رَاوِي لكْلامْ

رَاوِي لكْلامْ

***********
قُول ورْوي كْلامَك يالرَّاوي
لْمجْمع صاغِي ونْت الدَّاوِي
قُلْ حَرْفك بُورْ، كانْ وُلاَّ رَاوِي
كانْ سَالمْ لَ لْجَرحْ هوَّ يْداوِي
كانْ معْلُول يتْلاَح مَايْسَاوِي
ف حْضُورْ لَشْياخْ راكْ تَاوِي
ايْلا صْفا لْقلْبْ وْ لَ لْخِيرْ نَاوي
مْع التَّسْليم كْلامَكْ يْعُود ضَاوِي
وًيْلاَ مْجَنْدَر حَاسَبْ راسَكْ قَاوِي
مانْتَ معْصُوم وَلا حَرْفَك سْمَاوِي
يَرْجَع لْغاكْ منْ خيبْتك تْعُود طَاوِي
كُلّْها طلاَّبْ بينْ مَهْوُوسْ وَهَاوِي
ومايَحْكَمْ عَ لْحَرف غِ ِلِّ لِيهْ غَاوِي

المريني ادريس
القصر الكبير بتاريخ : 06 / 05 / 2013