اللهمَّ إنِّي صَائِمْ

اللهمَّ إنِّي صَائِمْ

**********
عْلاشْ نْت بُوكْما
وَآنا مْزَيْزَن
وْجَارْنَا مَخْلُوع
وعْلاش قْلالَت النَّعْمة
كْثر لَعْفَن
وبْنادَم مَضْبُوع
مْشاتْ لْكَلْمة
وْجَار لْمخْزن
وْكُولْشِي متْبُوع
فْحالْ السِّيبَة
فْحال الضَّرِيبَة
شْقاقْ تْوامْ
ها لْمُسْتَخَارِين
لْمُخْتارينْ
ها النُّوَّام

لَمْ أمّْنِينْ
وْها اللِّي رَاگْدين
رَگْدتْ عَام
واللِّي گالْها مُول الشِّي
يَمْكن تْصَقَّلْ
يمْكَن تْرشِّي
عْطَا اللهْ منْ يفْضَح
وْيفْشي
غِي دِيرْها زْوينَة
فَ جْبَلْ أوْ مْدِينَة
لْبقّْ مايَزْهَق
مُوتْ وَطَّرْطَقْ
هَذا قوْلْهُوم
وَاللهُ أعْلم
يمْكَن نُقْطة نِظَام
عاشَ النِّظَام
مَمنُوع لَكْلامْ
يَا أمَّةَ الصِّيام
إلا َّعَلى
اللهْ يْبارَك فَ عْمر لاَلَّة
وَآشْ فْهمْتي وُلاَّ لاَ

المريني ادريس
القصر الكبير بتاريخ : 07 / 05 / 2013