حالة شروذ ( 14 )

حالة شروذ ( 14 )

*************

سوَّلني عْليك الشيطان
وقالِّي عْطيني خْبارو
قالوليَّا عليه خزَّان
وآنا نْحب نعْرف سْرارُو
وخدمتك ليها الثَّمن
يْلا نْتايا قْريتلي سْوارُو
قلت ليه يلا نت فنَّان
قْرا ليه بعْض شْعَارُو
حللها تحليل مزيان
تلْقا راسَك كيفْ حْمَارُو
يركب عليكْ جاهر عيان
يعزف عْليك كيفْ وْتارو
ايْلاَ نتايا مقدَّم لعْيان
تخدم سيدك أوجْوارُو
اوْلاَ نت عميل خوَّان
ليلَك راه طْلع نْهارُو
ويْلا نْت بصَّح شِيطَان
داخَل يَكْوينَا بْ نَارُو
حْنا خُوت ماشِي عَدْيان
اللَّعْنة عْليك ف حْضَارُو
وْفَ غْيابُو شْحال تَزْيَان
هوَّ عالْية عْليك شْجَارُو
مفرّْعة شْحال منْ غْصان
ضوُّو مايخْفتْ فْنارو
ديما ديما شعْلان
المريني ادريس
القص الكبير بتاريخ : 27 / 05 / 2013