السلام عليكم ورحمة الله
سولو الهبيل آش هبلك ف الليالي وانت اللي كنتي فحل وراجل مثالي
جاوبهوم وقال ف الهبال لقيت راحتي واللي ماصدق يدير بحالي
الهبال ماكانش فظني ولا فبالي لكن قلت نجربو يمكن تتغير احوالي
بدلت السمية سميت راسي الجيلالي ومن غيرها حتى سمية ماتحلالي
لاموني هلي ولعشران وحتى خوالي صميت ليهوم وذاني وحلفت مانبالي
خذيت من اللباس قشابة من الثوب البالي وقصدت فلجبال من هوعالي
وقطعت صلتي بالناس ووصالي صبح سومهوم كيف رخيص كيف غالي
طلقت كل لبيب عاقل وخاصمت كل والي ولقيت سلوتي في عصير الدوالي
فجنانات الكروم قضيت ايام وليالي وبنشوة السكران حلقت وطرت ف لعلالي
يا اللايم لا تلومني راني غير بوهالي زمان الحيرة والتحيار هذا ياحبيبي الغالي
اللي باعك لاتشريه خليه ليام وعليه لاتوالي لا تكابد ليه هم ولشقاه لا تفكر وتبالي
جاوبهوم وقال ف الهبال لقيت راحتي واللي ماصدق يدير بحالي
الهبال ماكانش فظني ولا فبالي لكن قلت نجربو يمكن تتغير احوالي
بدلت السمية سميت راسي الجيلالي ومن غيرها حتى سمية ماتحلالي
لاموني هلي ولعشران وحتى خوالي صميت ليهوم وذاني وحلفت مانبالي
خذيت من اللباس قشابة من الثوب البالي وقصدت فلجبال من هوعالي
وقطعت صلتي بالناس ووصالي صبح سومهوم كيف رخيص كيف غالي
طلقت كل لبيب عاقل وخاصمت كل والي ولقيت سلوتي في عصير الدوالي
فجنانات الكروم قضيت ايام وليالي وبنشوة السكران حلقت وطرت ف لعلالي
يا اللايم لا تلومني راني غير بوهالي زمان الحيرة والتحيار هذا ياحبيبي الغالي
اللي باعك لاتشريه خليه ليام وعليه لاتوالي لا تكابد ليه هم ولشقاه لا تفكر وتبالي
من كلام طاطي . القصر الكبير يومه ال 18.11.2010
