الحافظ الله

الحافظ الله
**********
سمَّاوَاهْ بُوشْتَى
وْهُوَّ وَاكَحْ
حْياتُو مْشَتَّتَة
وْعاطِي السّْنَاطَحْ
يْعُومْ فْ گلْثة
يَسْحَابُو سَابَحْ
گالُو عَفْريتْ
مْعلَّمْ يتْنَاطَحْ
*******
المريني ادريس
القصر الكبير بتاريخ : 30 / 04 / 2013

حالة شروذ ( 4 )

حالة شروذ ( 4 )

****************

عْييت

وماشي الزمان اللي عياني

بكيت

وماشي الحزن اللي بكاني

تْهدِّيت

بعْدمَا لَعْشير جْفاني

ومْشيت

سَارَح لْوينْ راني

ملِّيت

راسي وكيَّاني

تْشفِّيت

فَ غْباوْتي مْلاَزْماني

نْسيت

سْميّْتي وْعُنْواني

ضْحِيتْ

شْفاية لْ عَدْياني

بْغِيتْ

نْحاوَل نَنْسَاني

وُتْرجِّيتْ

نْعيشْ وَحْدَاني

المريني ادريس

القصر الكبير بتاريخ : 30 / 04 / 2013

خذ حذرك

خذ حذرك

***************

اللِّي تْگُول عْليهْ لْبِيبْ

وْفيه التّْمارة

يَخْرجْ لِيك طْلِيب

غَاوي السَّرْقة وُالشّْفارة

انْت نَاوِيه حْبِيب

وْهُوَّ طْبيعْتُوغدَّارة

انْت اطَّعْمُوبْ لَحْلِيب

وْهُوَّ يسْقيكْ لَمْرَارَة

ظنَّك فِيهْ يْخيبْ

ماتنْفَع فيهْ حْزَارَة

شَمْسَك مْعاه تْغِيب

وُسْلَعْتُو گاعْ خْسارَة

لو تدِّي مْعاه وُتْجِيب

تَلقَا فْكارُو مكَّارَة

لوْ تتْركْ لِيه الجِّيبْ

يْوكَّح لِيكْ الشّْكَارَة

ايْلا تنْصح فِيه وتْعِيبْ

عْليه خْصالُو لْمَشْرَارة

يْعُودْ عْليك ياسيدي طْبيب

يْداوي كُلّْ منْ هِي مَضْرارَة

فْحالُو راهْ يَمْكن مَاتْصِيب

وَلََوْ فَ صْمَاطْ لْعطَّارَة

خُذ مَنُّو حَذْرك رَاه ذِيبْ

مايْوقَّر جَارْ ولاَجَارة

المريني ادريس

القصر الكبير بتاريخ : 29 / 04 / 2013

كنت غالط فيك

كنت غالط فيك

***********

كنت غالط فيك

فتحتك وقريتك

ولقيت فيك ثَلْثْ آيَات

اللُّولة ح ولْحَا حديث

والثانية ع ولعا عهد

والثالثة أ زينت لخصلات

الحا:

لقيتك كذاب ونهاب

ماتْخاف اللهْ

ماتخشى عذاب

العَ :

لْ عْ عَهْدْ

حرّْ وْصهدْ

ونْت غدَّار

وْأكبر شفَّارْ

لَ لْخير نكَّار

لْئِيمْ

وْتتْسيَّف حْكيم

ال : أ

وُلْ أَ : أمانة

لبسْتيها خْيَانة

لْقيتك خوَّان مافيك أمان

تْخُون لَعْشيرة

تْبيع لَوْطَان

لابَسْ لْباس شُرْفا وْسَادات

ماتليتش بيك نتيق

مانديرك صديق

ولانَشرك مْعاك طْريق

ماشي عادتي نكرَّر لْغلْطَات

المريني ادريس

القصر الكبير بتاريخ : 24 / 04 / 2013