حرّْ لَقهَر

حرّْ لَقهَر

**********

من حرّْ لَقهَر

تْعلَّمت الصَّبر

ومن كيّْ الجّْمَر

وْنار لَغْدر

تعلَّمْت كْثر

ومْع دْوازْ لَعْمر

عرفْت نميَّز

آلنُّقْرة من التّْبر

وُلْمعْدن منْ لَحْجَر

وعْرفت لْحياةْ سْفر

وْلِسْتراحَة قْبَر

وتعجَّبت بْلا قْدَر

لَ لِّ ما اعْتْبَر

وْما زَال صارّْ عَ لّْمُنكر

عاجْباهْ فْعايْلو مَاتْبصََّرْ

لَ لْحرام ساجدْ يْكبرْ

بْ شيطانُومنْصورْمظفَّرْ

وْياوِيلُو يومْ لْمَحْشر

يُوم مَا لَمْكان وُالجَّلْد

يشْهد وْيهْضَر

وصْحاف عْمالُو تَتْحْضََّر

وْعَ لَّمْلا فْضَايْحُو تَنْتشَر

سَاعتْها مايعْتب مايتْحسَّر

ايْلاَ ماربِّي تْجاوزْ وغْفَر

الله يَحفَظنا جْميع منْ سْقَر

المريني ادريس

القصر الكبير بتاريخ : 02 / 04 / 2013