حالة شرود ( 2 )
**************
گلْت باسم الله بْغيت نبْدا
لْقيت لْحرف شَاهر سْلاح
لحْت لُفَّادْ وزدت لْكبدة
وگلت نْبُوح باشْ نرتَاح
لْگلبْ عَامر ومْنين نَبْدا
وآشْ مَ لْكيّْ ولاَّ مَ لَّجْراحْ
كيَّات شَلاَّ عنْدي فَ لْكسْدة
وْصابَر نْقَاسي مانْگُولْ آحْ
الاَّ لَّ جْراح مالْقيت عدَّة
ادَّاري دْمُوعي بَعْد التَّنْواح
جُرْح لَحْبيب عنْد الرَّگْدة
لِيلْها طْويل مَاليها صْبَاح
جَرْح الصَّاحب عَنْد الشَّدَّة
لَعْمَر كُولُّو اتْهَدّ وْطَاحْ
المريني ادريس
القصر الكبير بتاريخ : 28 / 04 / 2013
ليست هناك تعليقات:
إرسال تعليق