سعدي وفرحي
********
قاليك الأمية مابقاتش ؟؟
وداروا ليها حفلة بكل الطقوس
عمر الامية لا غارت عيونها
وشجارها فبلادنا مغروس
ثمارها يانعة عليها القبول
وغلتها قوية كيف السوس
والجهل بقرونو مغلغل داير
فعباد الله خبلة ومحروس
بالله عليك خبرني على صحاب
الجذبة والنذبة واحيدوس
آشمن فرق بين جهالنا وبين
مجاهيل السيخ والهندوس
قوم النهبة والسلبة قوم التبلبيل
والغواث كيف العتروس
خلي الغفلة تعمل مابغات
مابين الراشقة ليه والمتعوس
لا حول وخلاص ذاك الشي راه
مخطط وبْ لقواعد مدروس
خليوني فحالي صامت داخل جوايا
لساني بين سناني مطموس
راه كاين شلة وشوية مايتقال
وشلا كلام فلساني محبوس
كلام النقير يخرج ويدرج بلا تفكير
من هاذ الراس المنحوس
فيه الرباعي والسباعي
وفيه الخماسي من بني عروس
فيه الفايدة واللي غير زايدة
فيه البايضة والمطلية بَ لْكفُّوس
حنيني ليَّام المسيد ولْفلاقة
وحسانة الراس حرفية غي بَ لْموس
شرابي أتاي ف الرضومة
دوازي شريحة خبز يابسة و كرموس
لباسي قشابة و جلابة
وسروال قندريسي من غيرهوم ميؤوس
ياك بعدا انا غي ك نطاطي
لاحد يسمع عياطي ولا فجيبي فلوس
واقيلا ندخل سوق راسي نسد عليه
أو نديرو بين الريوس ؟؟
نستناكوم تفيدوني وْمَ لَّمعاني
تزيدوني راني مفقوس
ختمت كلامي دخلت رسامي
من شافني يقول مريوح أومقيوس
الله يحشرنا مع الدراوش
عديان هامان وقارون ودقيوس
**************
المريني ادريس
القصر الكبير بتاريخ : 18 / 10 / 2010
********
قاليك الأمية مابقاتش ؟؟
وداروا ليها حفلة بكل الطقوس
عمر الامية لا غارت عيونها
وشجارها فبلادنا مغروس
ثمارها يانعة عليها القبول
وغلتها قوية كيف السوس
والجهل بقرونو مغلغل داير
فعباد الله خبلة ومحروس
بالله عليك خبرني على صحاب
الجذبة والنذبة واحيدوس
آشمن فرق بين جهالنا وبين
مجاهيل السيخ والهندوس
قوم النهبة والسلبة قوم التبلبيل
والغواث كيف العتروس
خلي الغفلة تعمل مابغات
مابين الراشقة ليه والمتعوس
لا حول وخلاص ذاك الشي راه
مخطط وبْ لقواعد مدروس
خليوني فحالي صامت داخل جوايا
لساني بين سناني مطموس
راه كاين شلة وشوية مايتقال
وشلا كلام فلساني محبوس
كلام النقير يخرج ويدرج بلا تفكير
من هاذ الراس المنحوس
فيه الرباعي والسباعي
وفيه الخماسي من بني عروس
فيه الفايدة واللي غير زايدة
فيه البايضة والمطلية بَ لْكفُّوس
حنيني ليَّام المسيد ولْفلاقة
وحسانة الراس حرفية غي بَ لْموس
شرابي أتاي ف الرضومة
دوازي شريحة خبز يابسة و كرموس
لباسي قشابة و جلابة
وسروال قندريسي من غيرهوم ميؤوس
ياك بعدا انا غي ك نطاطي
لاحد يسمع عياطي ولا فجيبي فلوس
واقيلا ندخل سوق راسي نسد عليه
أو نديرو بين الريوس ؟؟
نستناكوم تفيدوني وْمَ لَّمعاني
تزيدوني راني مفقوس
ختمت كلامي دخلت رسامي
من شافني يقول مريوح أومقيوس
الله يحشرنا مع الدراوش
عديان هامان وقارون ودقيوس
**************
المريني ادريس
القصر الكبير بتاريخ : 18 / 10 / 2010
