مْْخَاوْيََتْ لَحْرُوفْ

مْْخَاوْيََتْ لَحْرُوفْ

****************

گََالُو لََ لْ أََلِفْ وُالشَّّ تْخَاوَاوْ

صََرْخُو بْْجُوجْْهُومْ گَالُو : آَوْ

مَاسْمًعْْهُومْْ حَدّْ گَالُو : لْعَدَآوْ

رْجَََعْنَا بْ قِيمََتْنََا ؟ رْجَعْنَا نَسْوَاوْ !!!!!

لْ أَلِفْ زَرْوَاطَة

وُالشََّّّ رَاكُومْ عَارْفِينْ

يََمْكَنْ تَلْصَقْ فْوَاحِدْ

يَمْكَنْ فِينَا كَامْلِينْ

الشَّ تَتْلُوَّنْ وْتَتْْكُوَّنْ

بِالضَّمََّة  تََلْقَََاهَََا جَنْْْبْ لْوَادْ

بَ لْفَتْْحَة تَرْجَعْ عْْبَادْ

شِي طَالَََعْ شِي هََوَّّادْ

وُلْ أَلِِفْ عْلَى ظْهَرْهُومْ

قَوَّّادْْ

يْقُُودْْهُومْْ لِلشَّعْبَة جَنْبْ لْوَادْ

وُُبْ تمَارَةَ يْعَاوْدُو يَقْرَاوْ

آآوْ

وُالشَّ الاَّخْرَا

بَعْْدْْالرَّا تَتْگَالْ لاَغْيُونْ

مُُولْ لْحُجْبَانْْ وْلَعْيُونْ

لْمَسْكِينْْ مْحَايْنُو قْوَاوْ

شْحَالْ تْغَزّْلُو عْلَى

وُذْنِِيهْ وُرْوََاوْ

وْْْقَطّْعُو مَنّّْهَا وُشْوَاوْ

آآآوْْ عْْلاَشْ ؟

حِيتْْ لْْحَاكْمِينْ بْْغَاوْ

گََالُُو وْلاَدْ الشَّعْبْْ طْْغَاوْ

خََاوِيوْ لْ أَلِفْ وُالشَّ

بََاشْ يَرْصَاوْ

رَاهُُومْ تْكَاثْرُو وُقْوَاوْ

لْ أَََلِفْ حََكْمََة

يْسََاوِي لَوْتَارْ

يََعَْزَفْ النَّغْمَة

يْفَرََّقْ لْجََمْعْ

يْْشَتَّتْ اللَّمََّة

بَََآزْ مَافِيهْ رَحْمَة

حََتَّى فْْ الزََّحْمََة

يْفَرَّقْْ تَقْْسِيطْ وْگُُرْجَة

يَنْسَجْ لْخِيُوطْ بْلاَ مْدََجَّة

يْحُُلّْْ لَ عْقََادْْ اللِِّي تْلُوَّّاوْ

آآآوْْ عْْلاَشْ ؟

حِيتْْ لْْحَاكْمِينْ بْْغَاوْ

وُنْزِيدَكْ

 كْلاَمْ يْهَمَّكْ

وُيْفِيدَكْ

قْرَاهْ نْتَ

وَقَرِّّّيهْ لَ وْلِيدَكْ

لْ أَلِفْ صَبَّاغْ

صْبَََغْ شْْحََالْْ مِنْ دْمَاغْ

اللِِّي تَّخْْوَاوْ وُاللِِّي خْوَاوْ

وُاللِّي تْعَقْدُو وُتَّكْوَاوْ

وُاللِِّّي هَاجْْرُو

 وُبْلاَ رَجْعَة 

مْشَاوْ

أَوَّاوْ

لَوَآهْ آآآوْْ

المريني ادريس

القصر الكبير بتاريخ : 28 / 11 / 2012

اللي دارها بيدو يفكها بسنو

مَغْرُورْ الْفَايْسْبُوكْ

مَغْرُورْ الْفَايْسْبُوكْ

******************

يََاللاَّهِي بْ سْيَارْْ لْغِيرْْ

شُوفْْ عْيُوبَكْ فِينْ وَاصْلَة

تَشْْتَمْ وُتْسََبّْ بْلاَ تَفْكِيرْ

تَجْبََدْ فْ الدِّينْ لِيهُومْ وُ لْمَلَّّة

حَاسَبْ رُوحَكْ جَهْبَذْ كْْبِيرْ

وُالجّْهَالَة فِيكْ دَايِرَة خَبْلَة

حْشَمْْ يَامَغْرُورْ وَقَّرْ لْغِيرْ

رَاكْ فْشِي عْْيُونْْ سَاوِي بَصْْلَة

قِيلْ التَّحْگَارِْ دْعِي بْ التِّيسِيرْ

وْخََلِّي بِينَكْ وْبِينْهُومْ غَفْلَة

النَّاسْ فْ النَّّاسْ تَنْطَقْ بَ لْخِيرْ

وُنْتَ كْلاَمَكْ مُرّْ مَ الدَّفْلَة

مَانْتَ فُولْتِيرْ وَلاَ مُولْيِيرْ

وَلاَ عَنْتَرْ صَاحِبْ عَبْلَة

خَايِبْ عَنْدَكْ ذََاكْْ التَّفْكِيرْ

تَقْدَاحْ النَّاسْ مَاهُو رُجْلَة

ظَاهَََرْ عََقْلََكْ مََازَالْ صْغِيرْْ

أَوْلاَ نَثْوَة كِيفْ الطَّفْلََة

مَاقَارِيِِِشِِي كْتَابْ التَّقْدِيرْ

وَلاَ حَافََظْ مَنُّو جُمْلََة

جَامَعْ شَلاَّّ كْلاَمْ تْمَسْخِيرْ

تْْسُبّّْْْْْْ مَنْْ تْحََبّْ وْتَتْوَلَّى

تَصَرُّفَاتْ مَالْهَا تَفْسِيرْ

غِيرْ كَوْنَكْ شَاهِي تَتْعََلاََّ

اتَّقِي مُولاََكْ كَثَّرْ لْخِيرْ

بَارََاكَا خْلاَصْ مَا تَتْفَلاَّ

المريني ادريس

القصر الكبير بتاريخ :  27 / 11 / 2012

يآكْ آنََا غِي هْبِيلْ

يآكْ آنََا غِي هْبِيلْ

*****************

يآكْ آنََا غِي هْبِيلْ

وِِينْ مَا مَالَتْ نْمِيلْ

وُلاَّ بَنْتْ لِيكُومْ فِيلْ

بْكَاكُُومْ كْثَر بْ لَعْوِيلْ

خَرَّبْتُوهَا صَحَّرْتُوهَا

رَجَّعْتُو نْهََارْهَا لِيلْ

لاَ شَجْرََة لاَ نْخِيلْ

لاَفِينْ تَرْتَاحْ لْعِينْ

وْتَزْهَا وََلاَظِلْ ظْلِيلْ

َيآكْ آنََا غِي هْبِيلْ

وِِينْ مَا مَالَتْ نْمِيلْ

وُلاَّ صَرْفْ كْلاَمِي ثْقِيلْ

عْلَى مْْسَامَعْكُومْ دْخِيلْ

خَايْفِينْ لَفْضِيحَة

بَعْْدْ وْلاَفْكُومْ التَّبْجِيلْ

طَارَتْ لِيكُومْ الصَّنْطِيحَة

وْعَادْ وْجَهْكُومْ ذْلِيلْْ

عْلاَ الصّْدَا وْجَهْكُومْ الصَّقِيلْ

مْشَاتْ وْعُودْكُومْ

تْشَتَّتْ شْمَلْكُومْ

تْقَاضَا التَّأْوِيلْْ

شَبَّعْتُونَا گْهَمْتُونَا بْ التَّمْثِيلْ

َيآكْ آنََا غِي هْبِيلْ

وِِينْ مَا مَالَتْ نْمِيلْ

خَلِّّيوْ كْلاَمِي يْسِيلْ

وُلاَّ خَايْفِينْ التّْبَهْدِيلْ

مَآنَا مَجْذُوبْ مَآنَا عَْْْمِيلْ

وُحَتَّى لْسَانِي زََعْْمَا مَاشِي طْْوِيلْ

صَلِّيتْْ فْ مََحْرََابْْكُومْ

قْرِيتْ بَ سْوََارْكُومْ

عْرَفْتْ لْوُعُودْ عْلاَشْ تْْنَقْضُو

حِيتْْْ صْلاَتْكُومْ بْلاَ وْضُو

يآكْ آنََا غِي هْبِيلْ

بِِينْ ذَا وْذَاكْْ مَانْفَرَّزْ

مَاعَنْدِي تَفْضِيلْ

خََلِّيوْنِي نَهْضََرْ

خَلِّّيوْ حَرْفِِي يْسِيلْ

كْلامِي مْْشَتََّّتْ

مَلْْيُُوحْ فْْ زَنْبِِيلْ

وُنْتُومَا ضَارْبِينْ الطُّوقْ

مْحَاصْْرِينَاهْ شِي مَنْ تَحْتْ

وْشِي مَ لْْفُوقْ

وْكََارْيِِِيِنْ عْلِيَّا وْْكِيلْ

يآكْ آنََا غِي هْبِيلْ

حْدِِيثِي مَازََالْ طْوِيلْ

غِي لاَ تْحَاوْلُوشْْ

تْكَمُّونِي أَوْْ تْلَجْمُونِي

خََلِّّيوْ لََحْرَارْ يْْْْسَمْْْعُُونِي

وْحِينْ يْفَهْمُونِي

يْنَطْقُو بْ حْكَامْْهُومْ

وَآشْْ آنَا عَاقََلْ

وُلاَّ هْبِيلْ ؟؟

المريني ادريس

القصر الكبير بتاريخ : 25 / 11 / 2012