قْرَايْتَكْ
گَالَتْ لاَ تَقْرَانِيشْ
*******************
الْيُومْ
قْرَايْتَكْ گَالَتْ لاَ تَقْرَانِيشْ
حَرْفْهَا
مْهَرَّسْ مْشَتَّتْ شْقُوفْ
بَعْدْ
كَانْ يْنُوَّرْ لَعْقَلْ يْرُدّْ الرُّوحْ
بَعْْْتِيهْ
ذْلِيلْ بَدْرَاهَمْ وُصْرُوفْ
حْلَم
بِيكْ الزّْمَانْ جَايْنِي بَهْتُوفْ
بَاغِي
تْْوَاطِينِي بْضَرْبَةْ مَصْلُُوحْ
وْمَافْْرَاسََكْشْ
اللِّي فْرَاسْ لْمَتْلُوفْ
نْوَاعْركْ
قْرِيتْهَا مِلَفَّكْ مَفْتُوحْ
وُكْنَانَشْكْْ
شَلاَّ مْسَتّْفَة فْْ رْفُوفْ
اللِّي
تَّبْهَمْ عْلِيكْ عََنْدِِِي تَلْقَاهْ مَشْرُوحْ
لاَتَنْسَََاشْْ
وْْجُُودِي قَبْلَكْ رَاهْ مَعْرُوفْ
لِلدُّنْيَا
سْبَقْتَكْ يَاللِّي بْ حَرْفَكْ عْلِيَّا تْلُوحْْ
مَنْ
بَكْرِي تْهَجِّيتْ حْرُوفْ
كْتَبْتْهََا
بَسْمَاقْ كْحَلْ فْلُوحْ
بْشَلاَّ
قْلاَمْ مَنْ قْصَبْ مَعْقُوفْ
لَلْمْسِِيدْ
كُنْتْ نَسْرَحْْ وُنْرُوحْ
وْمََنْْ
لْْعَلْقَاتْ كْلِيتْ صْنُوفْ
مَنْ
حَرّْهََا كَانْْ بْكَايَا وُالنُّوحْ
وُعْيُونْ
قْرَانِي تْحَنْزَزْ وُتْشُوفْ
وُالضَّحْك
عْلِيَّا وَآنَا مَجْرُوحْ
قَرَّانِي
الزّْمَانْ عَلّْمَتْنِي الظُّرُوفْ
عَْلَى
مْثَالَكْ نَتْرَفَّّعْ لْسَرِّي مَانْبُوحْ
رِيحْْتَكْْ
نْثَانَة ذُوقَكْ عَادْ مَعْذُوفْْ
تْعَدِّيتِي
لَحْدُودْ جَاوُزْتِي لْمََسْمُوحْْ
لاَتْْكُُونْ
زَرْبَانْ وْدِيمَا مَلْقُوفْ
حَتََّى
تْصِيرْ عْْْبَارَة فْ قَامُوسْ مَمْسُوحْ
أَوْ
فْ حْدَادَة مَعْزُولْ مَوْقُوفْ
أَوْ
بُنْدْ مِنْ مَادَّة فْ دُسْْتُورْ مَمْنُوحْ
تَتْرََامَا
عْلِيكْ سْهَامْ وُسْيُوفْ
وُنْْتَ
مَعْزُولْ لاَ وِينْ تْرُوحْ
وُبْلاَ
مَتْرَاسْ شَادَّكْ لْخُوفْ
وُسْفِينْتَكْ
لاَيْحَة تَجْنَحْ جْنُوحْ
يَاللِّّي
عْلَى سْيَار النَّاسْ رَاكْ مَلْهُوفْ
المريني
ادريس
القصر
الكبير بتاريخ : 22
/ 11 / 2012
ليست هناك تعليقات:
إرسال تعليق