كَارِي حَنْكُو

كَارِي حَنْكُو

*************
سَمَّاوَهْ حَلُّوفْ السّْيمِدَة
دِيمَا نَاصَبْ لَمْصِيدَة
وَاقَفْ قَايِمْ كِي لَحْدِيدَة
فْكُلْ وْلِيمَة دِيمَا حَاضَرْ
مْعَ الطُّولْبَا وْفْ التّْبَوْرِيدَة
قَمُّونْتُو فِ كُلّْ تْننَوْعِيرَة
كْبِيرَة كَانَتْْ وُلاَّ صْغِِيرَة
بَ التْسَنْطِيحَة وُُالتْعَانِيدَة
كَارِي حَنْكُو بْ لْفَائِدَة
التّْحْسْرِيفْ عَنْدُو قَاعِدَة
هَاذْ لْحَلُّوفْ آيَا سَادَاتْ
نََغَّصْ عْلَى النَّاسْ لْحَياةْْ
فَلْ جَمَاعَة هُوَّّ الرَّايِسْ
عْلَى الضَّحِيَّة دِيمَا يْحَوَّسْ
دَايِرْ صَبْعُوفْ كُلّْ إِدََارَة
كَيْجُولْ كِيفْ بْغَا وْيَتْسَارَا
وُبْيَدِّيهْ دِيمَا مَمْدُودَة
هَاذْ لْحَلَّوفْ آيَاسَادَة
دَايِرْ حْنَاكْ وْقَرْفَادَة
فَوّْضُوكَارِيهْ فُوقْ لْعَادَة
دَارُو وَكِيلْ وْزِيَّادَة
وُُفْتَحْلُو بَابْ لْقِيَّادَة
فْكُلْ مُوسَمْ كَيْتْحَيَّر
فَلْغُشْمَا يْنَقِّي وْيَتْخَيَّر
بْقَنْدِيلُوطَافِي كَيْشِيَّرْ
كَيْحَاوَلْ يَصْبَغْ وُيْجِيَّر
طْفَاتْ شْمَعْتَكْ يَاحَلُّوفْ
بَعْوِينَاتَكْ رَاكْ غَادِي تْشُوفْ
غِيرْ لاَ تَطْمَعْ فْ الزِّيَّادَة
هَذَا مَاجْرَاتْ بِِيهْ لْعَادَة
قَصْرَاوَة كَيْهَرّْسُو لَحْزَابْ
مَاكَايْرْضَاوْشِي بِلْخَرَابْ
كَرْمُوسْتَكْ قَاسْتَها الدُّودَة
مَاهِيَّ غِي شْهُورْ مَعْدُودَة
وُالثِّيقَة صَبْحَاتْ مَفْقُودَة
لاَ فْ لْحَاجَّة لاَ فْ مَسْعُودَة
غِي لاَ تَحْلَمْشِي بْ لْعُودَة

المريني ادريس

القصر الكبير بتاريخ : 04 / 11 / 2012