نَايِبْنَا لَمْلِيحْ
**********
خَانَكْ لَكْلاَمْ وُلْعِبَارَة
وُُضْحِيتِِي مَثْلاَ وُعْبَارَة
شْغَالَكْ مْشَاتْ خْسَارَة
حِينْ صَمِّيتِي لُوْذَانْ
نَصْحُوكْ النَّاسْ التْمَارََة
بَعَّدْ عْلِيكْ الشّّْفَّارَة
رَاهُومْ دِيمَا حَگَّارَة
كَيْْعَبْرُوبْلاَ مِيزَانْ
كُنْتِ قُذْوَة وْعِبَارَة
عُشْرَانَكْ لِيكْ شَكَّارَة
حَتَّى خْذِيتِي لِيدَارََة
فِيِهَاَ مَسْلَخْ وُگْزَارَة
وُبْدَا عِيبَكْ تَايْْبَانْ
تْمََلاَّّ جِيبَكْ وُالشّْكَارَة
بْنِِيتِِي فِيلاَّ وْعِيمَارَة
وُقْتَانِيتِي سَيََّارَة
بَعْدمَا كَنْتِي جَيحَانْ
خُُذْهَا مََنِّي إِيشَارَة
سِيرْتَكْ رَجْعَتْ مَطْيَارَة
دَايْرَة جَنْحِيِنْ تََتْسَارَا
ضَايْرَة عْلَى كُلّْْ لْسَانْ
لِيَّامْ تَجْرِي وْدُوََّارَة
السََّتَّة رََكْبَتْ طِيَّارَة
مَاتْنَفْعَكْشِي لََحْزَارَة
قِيلْْ عْْلِِيكْ الشّّْفَارَة
لَعْجِينْ حْْمَاضْ يَافْْلاَنْ
جَاكْ لْبَشَّارْ بَخْسَارَة
فْ مُوسَمْ لِيمْتِيحَانْ
المريني ادريس
القصر الكبير بتاريخ : 10 / 11 / 2012
ليست هناك تعليقات:
إرسال تعليق