الْبَرْگَاگْ

الْبَرْگَاگْ

********

خَرَّجْ عِينِيكْ تْحَقَّقْ مَزْيَانْ
سَجَّل فَدْمَاغَك صُورَة كُولُورْ
وْلاَتَنْسَاشْ كَوْنَكْ إِنْسَانْ
لِيَّامْ تَغْدَرْ وُالزّْمَانْ يْدُورْ
وُصَّل لَسْيادَكْ إِسْمْ وْعُنْوَانْْ
رْفَقْهَا بْتَقْرِيرْ مْكَنَّشْ مَسْطُورْ
تَكْوِي لَعْبََادْ تَزْنَدْ نِيرَانْ
تْيَتَّمْ صُبْيَانْ تْبَكِّي مَحْگُورْ
حََاسَبْ رُُوحَكْ عَنْدَكْ سُلْطَانْ
عْلَى خْبَارْْ النَّاسْ تْلَقَّطْ وُدُّورْ
مْصَنَّفْ النَّاسْ عَنْدَكْ عُدْيََانْ
يَهْدِيكْ اللهْ أَيَآ الْمَغْرُورْ
شْْْْحََالْ كْوِيتِي وُبْلاَ بَيَانْ
وُُُشْحَالْ ذْبَحْتِي مَنْ مَغْدُورْ
حْسََابَكْ عْسِيرْ يًُومْ لْفُرْقَانْ
يُومْ مَّاكْتَابَكْ تَلْقَاهْ مَنْْشُورْ
وُعْلِيكْ لْفُوقْ حُجَّّة وْبُرْهَانْ
مََافِيهَا كْذُوبْ مَافِيهَا زُورْ
رََاجَعْ سِيرْتَكْ قَبْلْ لْ أَوَانْ
قْبَلْ لا َتَتْهَزّْ جِيفَة لَّقْبُورْ
فَعْلَكْ عْْلِيكْ شَاهِدْ عْيَانْ
سَاعََةُ لْحَشْرْ يُومْ النُّشُورْ
خَرَّجْ عِينِيكْ تْحَقَّقْ مَزْيَانْ
سَجَّل فَدْمَاغَك صُورَة كُولُورْ
مْشُوَّطْ النَّاسْ حَارَقْ لَكْبَادْ
فَاضَحْ لَسرََارْ حَتَّى لْمَسْتُورْْ
طَايَعْ سْيََادَكْ وُلْقُيَّادْ
كَوْنَكْ عَمِيلْ رَاكْ دِيمَا اللُّورْ
دِِِيمَا مْبَنْدَقْ  لِيهُومْ َعََابَدْ
وُفْ عِينْ النَّاسْ دِيمَا مَحْگُورْ
دِيمَا مْعَنْتَرْ كِي بََنْ شَََدََّادْْ
هُوَّ بِالسِّيفْ َوُنْتََ بْ لَشْرُورْ
خَرَّجْ عِينِيكْ تْحَقَّقْ مَزْيَانْ
وْْسَجَّل فَدْمَاغَك صُورَة كُولُورْ
مْصَنَّفْ النَّاسْ عَنْدَكْ عُدْيََانْ
كَوْنَكْ عَمِيلْ رَاكْ دِيمَا اللُّورْ

المريني ادريس

القصر الكبير بتاريخ : 11 / 11 / 2012