حَرَّازْ
بَرّْ لَمَانْْ
************
الرَّاسْ
مَرْعُوبْ خَايِفْْ عْلَى رَاسُو
وُُالذَّاتْ
مَنْخُورَة بْذُورْهَا فَسَادْ
كُلّْهَا
يَحْفَرْ كِيفْ بْغَا سَاسُو
يْعَلِّي
بُنْيَانُو فِِ هَاذْ لَبْلاَدْْ
عَنْدْ
لْحََزَّة يَنَْكُرْ نَاسُو
وْيَبْدَا
يْسَبّْ طَّالَعْ هَوَّادْ
مْفَصَّل
كُولْشِي عْلَى مْقَاسُو
الضَّرْبَة
عَنْدُو بْْ التَّسدَادْ
سَكْرانْ
وُالنَّشْوَة مَالْيَة كَاسُو
سَاهِي
لاََهِي يَنْطَقْ بْ لَمْدَادْ
رَحَّالْ
جُوَّالْ مْصَاحَبْ وُنَّاسُو
مْسَارِي
الرُّبُوعْ فْهَاذْ لَبْلاَدْ
ضَارَبْ
سْدَاسُو فِ تَخْمَاسُو
مْعَلََّمْ
يَقْنَصْ كِيفْ الصَّيَّادْ
قْوانْعُو
مْرَافْقَاهْ فِي تَحْوَاسُو
يُومْْ
لْحَمْلََة وُفْيَاضْ لْوَادْ
حَرَّازْ
فْ لَمْكَرْ قَارِي تَدْلاَسُو
يْفَرَّقْ
جْمََاعَة يْشَتَّتْ عْبَادْ
يْوُزَّعْ
طْحِينْ لِلنَّاخَبْ بَكِيَاسُو
وُزْيُوتْ
مَعْصُورَة مِنْ لْعَبَّادْ
وُفْكُلَّ
وْلِيمَة طَالَقْ حُرَّاسُو
يْرَاقْبُو
لَعْبِيدْ يْخَدْمُو لَسْيَادْ
نْهَارْالتَّصْوِيتْ
حَامََلْ مَتْرَاسُو
يْشََتَّتْ
لَفْلُوسْ مَقْلَعْ وْجَبَّادْ
يَمْضَغْ
لْعَلْكَْ مَابِينْ ضْرَاسُو
يَنْفَخْ
وْدَاجُو كِيفْ لْمُنْطَادْ
وُيْزِيدْْ
فْحَاجْبُو مََنْ تَقْوَاسُو
بَاغِي
النَّجَاحْ كِيفْ لْْمُعْتَادْ
خَابْ
ظَنُّو وُقْطَعْ نْفَاسُو
جََرْفُو
الزَّرَّابْ كَبُّو فَ لْوَادْ
الرَّاسْ
مَرْعُوبْ خَايِفْْ عْلَى رَاسُو
وُُالذَّاتْ
مَنْخُورَة بْذُورْهَا فَسَادْ
كُلّْ
مْفَرْعَنْ لِيهْ تَرَّاسُو
وْكُُلّْْ
قَصْبَة لِيهَا شَدَّادْ
المريني
ادريس
القصر
الكبير بتاريخ : 11
/ 11 / 2012
ليست هناك تعليقات:
إرسال تعليق