لَغْرَامْ مْصِيبْتُو مْصِِيبَة
*************
شْكِيتْ وُالشَّّكْوَى عَ اللهْ
بْجَرْحِي مَالْقِيتْ دْوَاهْ
حْبِيبِي غْابْ وْخَلاَََّهْ
مْخَضَّبْ غَارَقْ فْ دْمَاهْ
بَالِي مَاقَْوَا يَنْسَاهْ
وْقَلْبِي مْعَلَّقْ مْعَاهْ
كُنْتْ نَجْمَة فَسْمَاهْ
عَنْقُودْ يَصْعَبْ جْنَاهْْ
غَابْ وْخَلاَّنِي وْرَاهْ
وُُطْلَبْ مَنِّي بَاشْ نَنْسَاهْ
كِيِ نْدِيرْ يَانَاسْ مْعَاهْ
؟
حُبْْنَا كَانْ يَامَحْْلاَهْْ
لْعُُشَّاقْ گَاعْ تَتْمَنَّاهْ
عَيْنْ الشَّرّْ جَمْعَتْ مْعَاهْ
فَرْقَتْنِي آنَا وُيَّاهْ
غَابْ وْخَلاَّنِي وْرَاهْ
وَآنَا مَازَالْ نَهْوَاهْ
كِيِ نْدِيرْ يَانَاسْ َننْسَاهْ
لَغْرَامْ مْصِيبْتُو مْصِِيبَة
يَرْبَطْ حْبِيبْ وَحْبِيبَة
لَمْرَارْ تْعُودْ لِيهْ طِيبَة
تَرْجَعْ هِيَّ لاَلاَّهْ
غَابْ وْخَلاَّنِي وْرَاهْ
وَآنَا مَازَالْ نَهْوَاهْ
نَبْقَا دِيمَا تَابْعَاهْ
حَتَّى يَْتُوبْ مَ جْفَاهْ
وْيَرجََعْلِي نْعِيشْ مْعَاهْ
المريني ادريس
القصر الكبير بتاريخ : 09 / 11 / 2012
ليست هناك تعليقات:
إرسال تعليق