يْْلاََ تْْْفَاهََمْنََا

يْْلاََ تْْْفَاهََمْنََا

****************

يْلاََ قْْدَِّينََا نَتْفَاهْمُو

أَنَا وِيَّاكْ نَتْوَالْمُو

أَنْتِ حُكِّّي وَآنََاغْطَاهْ

يْلاَ خْتَالَفْنَا نَتْحَاكْمُو

بََ حْكَامْ اللِّي تَرْضَاهْْ

لَمْرَارْ لْعِيشْ نَتْقَاسْمُو

وُنْعِيشُوحُبّْ مَا حْلاَهْ

لْحَاضَرْنَا نَغْتَانْمُو

وُُُلْْمَاضِي نْقَطّْعُومْعَاهْ

لِيهْ نْغَفْرُوْنَتْرَحّْمُو

يَاكْ سَالاَ وُدْفَنَّاهْ

لاََشْ عْلِيهْ تْحَاسْبِينِي

دِيمََا شَاهْيَة تْلُومِينِي

يَاكْْ لْكَاغِيطْ دِرْْنَاهْ ؟

آجِي شْوِيَّا نَبْتَاسْمُو

بَارَاكَا مَانََتْلاَوْمُو

يَاكْ لَحْمََاقْ دُوَّزْنَاهْ

مَابْقَاشْ يْهُزّْنِي هْوَاهْ

يْلاَ نْتِ نَاوْيَة لَغْدَرْ

بِيَّا أَوْ تَتْنَكَّرْ

قُولْهَا بْلاَ مَاتْفَكَّر

رَانِي مَلِّيِتْ الصّْبَرْ

وُللِّي عْطَا اللهْ عْطَاهْ

لْْْغَايا وُضَّحْتْ كْلاَمُو

فَسّرْتْ غَوْصُو مَعْنَاهْ

لَعْْمَرْ طَايِرْ بْ يَّامُو

جْوَابَكْ مَازَالْ نََرْْجََاهْ

يْلاََ قْْدَِّينََا نَتْفَاهْمُو

أَنَا وِيَّاكْ نَتْوَالْمُو

وُنْعِيشُوحُبّْ مَا حْلاَهْ

المريني ادريس

القصر الكبير بتاريخ : 17 / 11 / 2012