شَدِّّي بَنْتَكْ يَالاَلَّة
**************
بَنْتَكْ يَالاَلَّة غْزَالِِي
دََايْرَاهََا بْ لَبْصََلْ
فْ الزْنَاقِي دِيمَا تْْشَالِي
كَتْغَيَّط وُطََّبَّلْ
النَّاسْ تْقُولْ صَايْعَة لاَقْرَايَة
لاَ شْغُلْ
وُنْتِ عَنَّهَا غَافْلَة عْلَى
سِيرَتْهَا وْتَجْهَلْ
دِِيمَََا فِيهَا شَاكْرَة حَاسْبَاهَا
مُولاَةْ لَعْقَلْ
نْتِ تْرَسْلِِِيهَا لَ لْكُولِيج
وْهِيَّ دِيمَا تْْبَطَّلْ
لْ السِّيبِيرَاتْ غَاوْية وُُبْلاَ
تَخْمَامْ تَدْخُلْ
الفَايْسْبُوكْ وُالشَّاطْ عْلِيهُومْ
رََاهَا تَهْبَلْ
ضَحْكَتْهَا تَمَّا سَايْبَة
وُكْلاَمْهَا دِيمَا مْعَسَّلْ
عَيْنِيهَا دِيمَا خَارْجَة
كَتْقَلَّبْْ عْلَى الرَّاجَلْ
شَدِّّي بَََنْتَكْ يَاغْزَالِي
شِي نْهَارْرَاهَا تْحْصَلْ
وُتْْجِِيبْ كَرْشَا گُدَّامْهَا
هَازَّة طَفْلَة َوُطْْفَلْ
تَرْجَعْ لِيكْ بَ لْعَارْ وُالنَّاسْ
تْسِيق ْلَخْبَارْ
وُاللِّي جَا يَخْْطََبْ يَجْْفَلْ
بَنْتَكْ يَالاَلَّة غْزَالِِي
وَآدََايْرَاهََا بْ لَبْصََلْ
وُبَّاهَا رَاجَلْ غْشِيمْْ
عْلَى مْعَاشُو كَيْظَلّْ يْهِيمْ
وُنْتِيَّا حَاسْبَاهْ بْهِِيمْ
وُيْْلاََ عْرََفْ يَقْدَرْ يَزْعَلْ
يََسْمََحْ فِيكُومْ وْيََرْْحََلْْ
شَدِّّي بَنْتَكْ خْيَرْ لِيكْ
وْشُوفِي مْعَاهَا شِي حَلّْ
يَبْقَا عَرْضَكْ مَصْوَانْ
احْسَنْ مَاتَتْبَهْدَلْ
هَاذِي وْصِيَّة گَلْتَالَكْْ
هَزّّْْهَا وُلاَّ حَطّْهَا
تتْخَيْْْرْ وْْتَعْزَلْ
الذْيَابْ كْثَارْ يَاغْْزَالِِِي
وُُالسِّيبَة عْلامْهَا يْلاَلِي
وُاللِّي زْرَبْ يَتْعَطَّلْ
لُُوكَانْ دِّيرِي بْرَيِّي
رَبْطِيهَا بْسََلْسْلَة وُقْفَلْ
حَبْسِيهَا عَنْدَكْ فَ الدَّارْ
وْمَاتْخَلِّيهَا حََتَّا طٌّلّّْ
هَاذْ لَكْلاَمْ يَاوُلْدْْ
النَّاسْ وَاشْ لْقَا عَنْدَكْ إِحْسَاسْ
تْبَعَّدْ عْْلِيكْْ لَبْنَاتْ
تَحْسَبْهُومْ لِِيكْ خْوَاتَاتْ
أَوْشِِيطَانَكْ مَايَقْبَلْ
يْْلاَرْضَاتْ عْلِيكْ امِّيمْتَكْ
وْخَفْتِي تَانْتْ عْلَى خْْتَكْْ
عََا لَّمْعَاكْسَة مَاتَقْبَلْ
الْيُومْ لِيكْ وْغَدَّا عْلِيكْ هَذَا مَا گَالُو فْ لَمْثَلْ
المريني ادريس
القصر الكبير بتاريخ : 31 / 10 / 2012
ليست هناك تعليقات:
إرسال تعليق