الزعيم

الزعيم

**********

يالْمغْروم بالزّْعامة

وْب لْكُرسي مفْتون

قالُو ناس لحْكامة

لعْداوة تابْثة دَوَّامة

والصّْواب لابدَّ يْكون

ويْلا فيك جْنُون لْعَظَمة

وْطامع تحْكم لْكُونْ

راجع سْيار لْقُدامَا

تكْشف السَّر لْمكْنُون

منْ كانُو فَ لْعدَّ عُولاَمَا

عاقَلْهوم راحْ مَغْبُون

ماودَّع حدّْ بالسّْلامَة

ولا ذَرفَتْ عْليه لَعْيُون

لَوْعنْدكْ أنََفة  وْكَرامَة

وْرايِد لْشرفَكْ تْصُون

ودَّعْ قبل النّْدَامَة

وْقُول ياريتْ مايْكونْ

المريني ادريس

القصر الكبير بتاريخ : 31 / 03 / 2013