عاهدتك
عهد الرجالة
**********************
ديرِيني
فْ صدرك وْشام
أَوْتحْت
شْفايْفك سِيَّالة
لُو
رگَّبتْ لْذُوكْ لَّرْسَامْ
أوْ
شفْتي عيْني ميَّالة
لوْ
تشْهدْ ليَّا لِيَّام
أنَآيَا
عْلى خذَّكْ خَالة
ما
نَاوي نَتْعدَّا رْشَامْ
لاَ
تْعُوديلي حالْتكْ حالَة
تْنَكّْدي
لِيَّا گاعْ لِيَّامْ
وتْخلِّي
دْمُوعي سيَّالة
نمْرض
بجْفاك وْنسْقامْ
راهْ
ناركْ فيَّا شعَّالَة
گايْدة
لْدَاخل عَلَّ دّْوامْ
تْحَرْگِيني
وْمانْقُولَّك لاَ لاَ
مارَايِدْ
معاكْ خْصَامْ
شكَّكْ
فيَّا ما بْغَا يتْسَالاَ
وَآنا
ليكْ خادمْ غْلاَم
شُوفْتك
فيَّا رْماحْ قتَّالَة
ونْت
عارفة قَتْلي حْرامْ
وآش
ناوْية عْليّا تَتْعالاَ
تْرشْقيني
ديما بَ كْلام
مافْهمْت
منُّو تَا مَسْألة
وآشْ
ضْبابَة أوْ غْيام
ربِّي
لِّ عالم بَ لْحالَة
بْغِيتك
عنُّو تْصُومي صْيَام
وتْراقْبيني
بْدُون جْلالَة
قلْبي
معْدن باقي خَامْ
جَلْخِيهْ
وخلِّيه يتْلاَلاَ
وعْلي
كِيفَك بْنِيه رْسَام
ديري
فيهْ شُرْفة طلاَّلَة
أو
غزْليه سْدَا وُقْيامْ
وْلبّْسِيني
مَنُّو دَرْبالَة
ماخلِّيتْ
ليكْ مايَتْلاَم
عاهَدْتكْ
عهْد الرًّجَّالَة
ديرِيني
فْ صدرك وْشام
أَوْتحْت
شْفايْفك سِيَّالة
لُو
رگَّبتْ لْذُوكْ لَّرْسَامْ
أوْ
شفْتي عيْني ميَّالة
المريني
ادريس
القصر
الكبير بتاريخ : 28 / 02 / 2013
ليست هناك تعليقات:
إرسال تعليق