ماشي عادتك

ماشي عادتك
**********
ماشي عادتك ترميني بكلام
وْترْسلِّي بعْدو اعْتذار
جرح كلامك امضى مَ سْهام
أوْ صارمْ مسْنونْ بتَّار
لو ما جْمَعنا حبّْ  وُغْرام
كنت نوصفك وَصْفْ لْعار
كيف تْنكْري ذُوك لِيَّام
اللِّي عشْناها ليل وُنهار
متعانقين ك جوج حمام
وصهد لمعانقة بينا حار
وليوم جاية بلا تخمام
توسّْْميني بْلا تا إشْعار
بَ قْلادَة على شكل وسام
منقوش عليها غدار !!!!!!

المريني ادريس
القصر الكبير بتاريخ : 01 / 03 / 2013