الوردة الزَّامْنة

الوردة الزَّامْنة

*****************

ياوردة مابغات تذبال

صورتك مازالة ف لبال

مامحاها منو هبال

ولا نالو منها عُزّالْ

مصْوانة راسْخة بْ لكْمال

مَنْ يومْ هْديتْهالي منْ شْحال

فْذاك لَمْكان تحتْ الشَّلال

الشّْجر زاهرْ وْتحْتو ظْلال

الطِّيرْ صادْحة تْشقْشَق موَّال

وحْزام الزَّهْرا لفُوقْ مقوَّس هْلال

بَ لْوانُو الزَّاهِية ماليها مْثال

دارت الدورة وتبدل لحال

عاد لمكان ضرب م لخيال

كأنو ماكان او تشدات ليه رحال

جف الشَّلاَّل

يبسات شْجاروغابت الظلال

والطير الشقشاق عاد رحال جوال

لكن وردك وحدو صامد مازال

 معطَّروُفْ بالي عمّْرو مايذْبال

المريني ادريس

القصر الكبير بتاريخ : 24 / 03 / 2013