هَاكْ حْسَابكْ

هَاكْ حْسَابكْ

**********
مامنَّك جُوج أو ثْلاثَة
راكْ غ ِوحْدك آلشّْماتَة
النَّصَّابَة عَنْدكْ فَلاَّتة
وانْت كلَّكْ مامنَّك
وعْلاش عْلاش مْضبَّع
ما تتْصنَّتْ ماتَسْمع
ويْلا كْليتِي ماتَشْبع
ديما تَابعْ غي كَرشَك
لعْباد كلّْها كََرْهاتَك
تَاحَاجة مَاوالْماتَك
النَّاس تْقولَّك سعْداتَك
بُوحَاطي كَاري حَنْكَك
تتْلاوَطْ كِيفْ لْهَامة
صدَّعْتينا بْ لَفْهامَة
ونْت مشْري بْ: 2 وْضَامَة
ذاكْ الشِّي اللِّي جَا فْ حقَّك
مامنَّك جُوج أو ثْلاثَة
ارْفد رَاسَكْ يَا وَلْد خْنَاثة
مابْقينَا باغيِين حرَّاثَة
راكْ مْبَهدَلْ وَمْشنَّك

المريني ادريس
القصر الكبير بتاريخ : 10 / 05 / 2013