نت وآش فهمتينا ؟
**************
شكون سلطنك يانكران ودارك فوق لفوق
عطاك صريمة وعنان
تسرح نعاج ونوق
يلا نت بصح إنسان
فوق لراسك فوق
ليك رعية ورعيان
ايلا كان عندك الذوق
وحاسب روحك فنان
باغي تعدل وتسوق
ساوي ذاك لميزان
ونصبو وسط السوق
يكون شاهد عيان
ونفخ نفخة ف لبوق
يسمعوها الثقلان
وتبعا بشي ملصوق
وزع معاه إعلان
وعلن قبل الشروق
انسحابك من الشان
انت فحالنا مرزوق
وشبعتينا بنان
فهمناك وناض فينا لقوق
نت وآش فهمتينا مزيان ؟
المريني ادريس
القصر الكبير بتاريخ : 29 / 05 / 2013
ليست هناك تعليقات:
إرسال تعليق