البوعرية ( 2 )
************
لْسانك مايْجيب عْريس
ياللَّي مْخاوْية يبْليس
وحتَّي فْ وجْهك عايْبة
ديما خارْجة على برَّا
وگُدامْ النَّاس تَتْعرَّا
هَاذي خصْلة خايْبة
امّْك زعْما بلْديَّة
بَّاك لابْساه النِّيَّة
ونْت دِيمَا راكْبة
مْنين قَاسْتكْ لَبْلِيَّة
ونْت زَعما مْقرّْيَة
جَاوْبينِي يَا السَّايْبَة
ديمَا وجْهك مْدْهُون
وتْنطْقي بْ شلاَّ لْسُون
وكتْخَافي مَ الطُّوبَّة
النَّاس عَرفُوكْ بُوعْرية
طْريقَك عَوْجة وْعسْريَّة
وْكاتْشدَّك الجَّذْبَة
كُوني شْويَّة تْحشْمي
وْديري لْعزّْ لْراسَك
عَرفي كيفْ تْزطْمِي
وْشُوفي لاَلاَّيَاتَك
منّْهُوم ايِوَا اتْعلّْمِي
تْكُونِي عْفيفة بْشرَفَك
تْكبْري وَتْنَدْمي
ويْفُوت عْليك لْحَال
من بَعْد رَاكِي تْفَهْمي
عْلاش كَرهُوك الرّْجَال
لْسانك ماجَابْ عْريس
عَشْتِي مْخاوْية يبْليس
لصْقَت فِيك الجَّربة
فرَّطْتي فَ الصُّحبَة
وْضيَّعْتي لَمْحَبّة
المريني ادريس
القصر الكبير بتاريخ : 11 / 05 / 2013
ليست هناك تعليقات:
إرسال تعليق