وآش انا وْلاَ نْت

وآش انا وْلاَ نْت

***************
شاف فيا وماگال والو
عرفْتو ياناس مدْخُول
تبرَّم وشاف في خْيالو
عاد بْداني ب لْقُول
سلَّم وطرح سُؤالو
وآش بصَّح مخْبول
ردِّيت عْليه موَّالُو
گلْت ليه فَرَّزلْقول
وآش انا وْلاَ نْت
شْكون فِينا لْمَخْبُول
رد عْليَّا بْ قْوالو
لما لسْعار تتْعَلاَّ
والشَّباب مْعطَّل
لاشْغُل ولا مْشغْلة
لمَّا لْمخْزن يجْعَر
يقْمَع اللِّي يهْضَر
والسِّيبة تنْتْشَر
لمّا لَفْساد يتْفَنَّن
ولحاكم يتفرعن
شكون فينا يخْبل
وشكون عقلو يبقالو

المريني ادريس
القصر الكبير بتاريخ : 26 / 05 / 2013