حالة شروذ ( 10 )
**********
جْرات لقْلام وقدّْرَت للْعْباد مْسارها
عْلاش يالْملْهوط تَجْري ليل ونهار
دوَّاركِ الطَّاحونة مايوْقَف حْمَارْها
آشْ فاد قَارُون مَ كْنوز لَمّْهَا وْغَار
بلْعاتُو امُّو وَسبْراتُو فَ غْوارْهَا
ومابْقا الاَّ خبْرُو مْسطَّر تَسْطَار
فين السَّابْقِين للدَّنيا فين عُمَّارْها
فين سيدْ لْخَلْق بُوفاطمْ ياحُضَّار
لعْباد سايْرَة تجْري كِي عْمارْها
وْمازْهد فَ الدَّنْيا غِيرْ الشُّطَار
كْذا منْ قْصُور تْعلاََّت سْوارْها
وْصارَتْ طْلال بين لِيلَة وَنْهَار
لْعبد الطَّمَّاع مَاذاري ب حْوالْها
ناشَد لخْلُود وْماقَاري لَسْوَار
جْرات لقْلام وقدّْرَت للْعْباد مْسارْها
لِّ انْكتَبْلُو السَّعْد وَلِّ مْصِيرُو للنَّار
**********
جْرات لقْلام وقدّْرَت للْعْباد مْسارها
عْلاش يالْملْهوط تَجْري ليل ونهار
دوَّاركِ الطَّاحونة مايوْقَف حْمَارْها
آشْ فاد قَارُون مَ كْنوز لَمّْهَا وْغَار
بلْعاتُو امُّو وَسبْراتُو فَ غْوارْهَا
ومابْقا الاَّ خبْرُو مْسطَّر تَسْطَار
فين السَّابْقِين للدَّنيا فين عُمَّارْها
فين سيدْ لْخَلْق بُوفاطمْ ياحُضَّار
لعْباد سايْرَة تجْري كِي عْمارْها
وْمازْهد فَ الدَّنْيا غِيرْ الشُّطَار
كْذا منْ قْصُور تْعلاََّت سْوارْها
وْصارَتْ طْلال بين لِيلَة وَنْهَار
لْعبد الطَّمَّاع مَاذاري ب حْوالْها
ناشَد لخْلُود وْماقَاري لَسْوَار
جْرات لقْلام وقدّْرَت للْعْباد مْسارْها
لِّ انْكتَبْلُو السَّعْد وَلِّ مْصِيرُو للنَّار
**********
المريني ادريس
القصر الكبير بتاريخ : 22 / 05 / 2013
ليست هناك تعليقات:
إرسال تعليق