بلادي
*******
بلادي يابلاد التيه
جايبة لينا شطاحة
فوق لمنبر نباحة
فيها وقاحة وبجاحة
تعرات بكل صراحة
كِ بگرة طالبة عجل
بلادي يابلاد التيه
جدي استحمرتيه
بابا تاهو جلدتيه
وآنا سلبتيني لعقل
بلادي يابلاد التيه
ل إعلام عندك نمرود
حاسبنا ك لقرود
رضَّعْنا حْليب جيري
وفطمناعلى خلود
شبابك جليتيه
ولفساد كرستيه
التعليم هرستيه
وعممتي علينا لجهل
بلادي يابلاد التيه
السايب سيدتيه
الدرويش همشتيه
لمْفقَّه حاصرتيه
ودرتي ليه قفل
بلادي يابلاد التيه
كولشي فيك ت يخلع
لفاهم راه مضبع
الصارخ يتقمع
خيرك كَ يتوزع
وآش آنا مانهبل
بلادي يابلاد التيه
مجاورة جوج بحور
شي مخنتر ف لقصور
وشي مالاقي لفطور
ترتيبنا ديما اللور
ولموطور معطل
بلادي يابلاد التيه
گلبي راهو مدمي
عليك نت حيت امي
نحب نشوفك مسرارة
تترقاي ف الصدارة
عفيفة وتحشمي
تعدلي ما ظلمي
وتخرجي من التيه
المريني ادريس
القصر الكبير بتاريخ : 31 / 05 / 2013
ليست هناك تعليقات:
إرسال تعليق