حالة شروذ ( 12 )
************
باسْم الدِّين سادُو لسْلاف حِين عدْلُو
حكْمُو لبْلاد وْلعْباد وطبّْقُو الشَّرَع
وباسم الدِّين حكْمُولخْلاَف وْعذْلُو
لاَ بْ عهْد وفَّاو وَلاَ بْتغْييِر لْوَضْع
لحْداگة فَ الشَّفََوِي شَلاَّ دْوَاو وْقَالُو
وْفنّْ التّرْهِيب وَلَ مْخَاوْية بَ لْقَمْع
الدَّسْتور الجّْديد حَارُو فْ تَنْزالُو
والشَّعْب مَزْمُوت لْغَاوْ لِيه السَّمْع
مْخَاخ مْعطّْلة مبَطّْلة وَلْخَدْمة وَالُو
والرَّايسْ حْلايْقي ف نْكايْتوكَ يْوزَّع
باسْم الدِّين سادُو لسْلاف حِين عدْلُو
حكْمُو لبْلاد وْلعْباد وطبّْقُو الشَّرَع
وباسم الدِّين حكْمُولخْلاَف وْعذْلُو
لاَ بْ عهْد وفَّاو وَلاَ بْتغْييِر لْوَضْع
لَسْعار حرَّاگة الدَّرْويشْ مَا ترْثَالُو
آشْمن دِِِين هَذا اللِّي نْت بيه مْخبَّعْ
يْعجْبك بَ السَّبْحة وْتَردَادْ مَوَّالُو
لَعْفارت وتْمَاسح فَ بْلادْنا تَخْلَع
ومنْ رادْ يتْوجَّه ليه بَ سْؤَالُو
فْضَح هاذُو لِّ نت منّْهُوم تفْزَع
يتْغاضَا عْلى جْوابَك منْ تَجْهَالُو
يْگولَّك ذُوك لِّ فَاتُو قْبَل مانَطْلعْ
بالله عْليكُوم آشْمن عُذْر بْقَالُو
بعْدما فْتا بَعْفا اللهْ عَ لّْفَاسَد لَمْقَنَّع
المريني ادريس
القصر الكبير بتاريخ : 25 / 05 / 2013
ليست هناك تعليقات:
إرسال تعليق