لاَ تْقولِّي مْقدَّرْ مَكْتَابْ
**************
آرَا ماعنْدك
وضْرب لحْسَاب
ديرْ اللِّي فْ جهْدَك
لاتَرْتاب
قْرانك يْسخْرو منَّك
عارْفيناك واحد كذَّاب
قْوالك فضْحُو سرَّك
مانْتَ غيرْ حطَّابْ
تْلقَّط لمْزِيبْرِي لسْيادَك
مهْزوزْ حْياتكْ عْذَابْ
لُوكان بْقِيتي فْ سرَّك
وكيفْ مَا كنَّا حْبَابْ
نْكُون مْعَاك نْسَانْدَك
مَايْجيكْش مَنِّي عْتَابْ
لَكنْ غيَّرْتي جَلْدَكْ
وْهكْذا صَرنَا غْرابْ
على بعْضْنا وْجَات منْ عنْدكْ
لاَ تْقولِّي مْقدَّرْ مَكْتَابْ
*************
المريني ادريس
القصر الكبير بتاريخ : 09 / 8 / 2013
ليست هناك تعليقات:
إرسال تعليق