حْكَايَة ووصاية
**********
عاش ف الدنيا فريد زمانو
نشوان زاهي مابين لغواني
شحال نصحوه هلو وخوانو
الدنيا تغدر ولعمر فاني
ماعطا لحد فيهوم وذانو
بدل دينو وصبح نصراني
هجروه نُصَّاحو من قرانو
وعاد منبوذ شريذ يعاني
دارت ليام عتراتو بانو
وضحا يعاتب نفسو وحداني
يوم راد يتبرا من عصيانو
يتوب عنو ويرجع رباني
خانو التعبير وجمد لسانو
بغا يحاول ينطقها ثاني
فشل فيها تهدت ركانو
عبدو ربُّو أنا لمريني
بقا فيا يحسن عوانو
شحال مثلو شاهْدت عياني
غلبت عليه نفسو وشيطانو
وشحال منهوم كانو جيراني
فضاو ل لباري على ماكانو
فَ خْتام كْلامي يا عشراني
ل كل كبير ولا صغير شانو
الدنيا زايلة ولعمر فاني
طيع الله تدخل جنانو
لاتكون كافر أو نصراني
*****************
المريني ادريس
القصر الكبير بتاريخ : 17 / 08 / 2013
**********
عاش ف الدنيا فريد زمانو
نشوان زاهي مابين لغواني
شحال نصحوه هلو وخوانو
الدنيا تغدر ولعمر فاني
ماعطا لحد فيهوم وذانو
بدل دينو وصبح نصراني
هجروه نُصَّاحو من قرانو
وعاد منبوذ شريذ يعاني
دارت ليام عتراتو بانو
وضحا يعاتب نفسو وحداني
يوم راد يتبرا من عصيانو
يتوب عنو ويرجع رباني
خانو التعبير وجمد لسانو
بغا يحاول ينطقها ثاني
فشل فيها تهدت ركانو
عبدو ربُّو أنا لمريني
بقا فيا يحسن عوانو
شحال مثلو شاهْدت عياني
غلبت عليه نفسو وشيطانو
وشحال منهوم كانو جيراني
فضاو ل لباري على ماكانو
فَ خْتام كْلامي يا عشراني
ل كل كبير ولا صغير شانو
الدنيا زايلة ولعمر فاني
طيع الله تدخل جنانو
لاتكون كافر أو نصراني
*****************
المريني ادريس
القصر الكبير بتاريخ : 17 / 08 / 2013
ليست هناك تعليقات:
إرسال تعليق