حِيرة وْحْرِيرَة

حِيرة وْحْرِيرَة

**********

يابْلاَدي حَارْ فِيكْ لعْقَل
واشْ نَهْجي أوْ نتْغَزَّل
يابْلادي ياسُوقْ الذُّلّْ
الطَّالع فيكْ إيمْتا ينْزل
والسّْمين فيك وقْتاش يهْزل
الشَّعب تْمرَّت وتْبهْذَل
ياكْما نْت رايْداه يرْحل
حتَّى الدُّستور فيك مْعطَّل
قُيَّادْنا يْحكْمُو بَ لْجَهل
شْحال من حُكم عنْدهوم بْطل
عَرَضْنَا كُلُّوتْشَرْذَل
ولْهَاتَكُو تْسرَّح وَرْحَل
مايْكْفيكْ قُرْبانْ عْجَل
وْحتَّى فِيلْ كابَرْ فَ الظَّل
لْمسْأَلة كْبيرة تْزلْزَلْ
خَوْفي عْليك لاَ تتْقَرْبلْ
يابْلاَدي وَالسُّوقْ كْحَل
لَرْيايْ مقْسُومَة فِينْ لْحَلّْ
شِي يْرجَّع وْشِي يْحَوْقَل
شْكُونْ سْبابْ هَاذ لْخَللْ
يَاكْما شِي تِمْساحْ جْفَل ؟
أوْعَفْرِيتْ طيَّرْ الثّْمَلْ ؟

**********
المريني ادريس
القصر الكبير بتاريخ : 03 / 08 / 2013