لْسَاني جَاهْ لْخُُوف

لْسَاني جَاهْ لْخُُوف

********
شُوفْ ياعِينِي شُوفْ
تَبَّعْ هاذُوك لحْرُوف
شُوف ّالزِّينْ يتْهادَا
ف لْمشْية كِيف لْعَادة
وآنَا قَلْبي ملْهُوف
ولْسَاني جَاهْ لْخُُوف
ماگادّْ يْبُوح ياسَادة
طَالبْ منّْكُوم يْفََادة
اللَّي فايَتْ لِيه مْجرَّب
محْرُوگْ بْ نار لْحُب
يفْتي عليَّا فتْوى
آربِّي شْ هاذْ لْبَلْوى
عارْفاني كَ نَبْغِيهَا
ب حْياتي نْضحِّي عْليهَا
عيْنيها كَ يْشَبْحُونِي
شفْرانْها كَ يْسحْرُونِي
غَمْزتْها كَ تقْتَل
وْمشْيتْها كَ تْهبَّلْ
سْيَادي رَانِي حَاصَلْ
قُولُولِي آشْ نَعْمَلْ
باشْ نَطْفي نَارْ الجُّوفْ
مْشِيت لْ بُوها نَخْطَب
فيهَا طالَبْ رَاغَب
قَالِّي قدَّمْ طَلَبْ
وسْتنَّا يْجِيكْ جْوَابْ
عْليّا لاَ تَزْربْ
يْلا نْت مْأَدَّب مَصّْوابْ
وْكنْتي لِيهَا مكْتَابْ
تتْهنَّا مَ لَّعْذَابْ
للهْ ياناسْ فيدُونِي
عْلى شِي حلّْ دُلُّونِي
نذْبَح ليكُومْ خْرُوفْ
شُوفْ ياعِينِي شُوفْ
تَبَّعْ هاذُوك لحْرُوف
لْسَاني جَاهْ لْخُُوف
ماگادّْ يْبُوح ياسَادة.

*************
المريني ادريس
القصر الكبير بتاريخ : 24 / 08 / 2013