رجاء القباج
مغربية بدموع القهرة مْكْوِيَة
بلادي باعت ولادي
وفأرض غالية دفنتهم بِيْدِيَ
المريني ادريس
آشْ تْفيد لْحسْرة عنْد الرّْزِيَّة
وَآشْ تْوَاسي الدَّمْعة لْجَاريَة
ايْلاَ الرَّاعِي ماتْولاَّ الرّْعِيّة
الذِّيب يَلْقَا مْرادُو بْ كُلّْ حُرِّيَّة
والزّْريبَة تَخْلاَ صْباحْ أوَْعْشِيَّة
***********
رجاء القباج
ياه يا المريني كلامك
أثر فِيَ
ولازم نحاربوا الذياب
وما نرضاوا بذل
ولا نكونوا
جمهور يحضر
مسرحية...
ويهدي ولادوا
ضْحِيَّة....
*********
المريني ادريس
ذيبْ لْيوم نَصْرانِي
دارْلي ف لْقلْب كيَّة
فْ شرفْ وْلادِي رْزَانِي
سيَّحْ الدَّمّْ من عيْنيَّا
بَ سْهام لَغْدَر رْمَاني
فَ ضْيافْتي وْدَارْها بيَّا
حكْمُو لقْضَا وْشقَّانِي
مُولْ لْعتْبة لْفُلاَنيِّة
بلانْباهة كْسرْلي لْخَاطَرْ
سَرَّحْ الظَّالم لْفاجَرْ
وْحينْ طْلعْ النّْهَار
ذاعت لخْبَارْ
وتَّفَْشَات لسْرارْ
بانْ لِعْتِذَارْ
بعْد كْرامْتي سْوادَتْ ليَّا
سُبْحان اللهْ وآشْ هَاذي شَرْعيَّة ؟
لالَّة رجاءْ فيدْني شْويَّة
*******
ليست هناك تعليقات:
إرسال تعليق