الزَّعِيمْ الْمُبَجَّلْ ( 1 )
************
دايِرْلِيَّا فِيهَا زْعِيمْ
لْكُلْ قََالَبْ هُوَّ للِّي فْهِيمْ
وْهُوَّ قُبَّانْ وُغْشِيمْ
فْْْكُُلْ مُُوسَََمْ يَجُولْ يْهِيمْ
جََامَََعْ فِيهْ مَنْ كُلْ بْهِيمْ
يَغْدَقْ يْجُودْ بْخِيرْ عْمِيمْ
يْحَسْبُوهْ النَّاسْ كْرِِيمْ
بَعْدْ لْمُوسَمْ وُالنْجَاحْ
يْْعُودْْ لِِيهُومْ عْجَلْ نَطَّاحْْ
يََتْسِيَّفْ سِيفَةْ لْئِيمْ
لِلْقُبَّة طَالَعْ هَوََّادْ
مْبَنْدََقْ دِيمَا فِيهَا لْسْيَادْ
لٍيهُومْ طَالَبْ التَّسْلِيمْ
فِ لْقُبَّة دِيمَا حَاضَرْ
عْلَى عِينِيهْ دَارْ نْظَاظَرْ
قَاضِي مْصَالْحُو بِالتَّبْسِيمْ
عَاجْبَاهْ كَلْمَةْ مُسْتَشَارْ
يَتْلَعْتَمْ كَيفْ الشَّمْكَارْ
نْهارْ عْطَاوَهْ يَتْكَلّمْ
هََازْْ وْْرَقْتُو وُتْقَدّمْ
خَضَّرْ لَبْطَاطَا بْ لْقِطَارْ
نَاسْ تَضْحَكْ وْتَسْتَبْشَرْْ
زَعِيمْْنَا رَاجَلْ عْظِيمْ !!!!!!
وْنَاسْ أُُخْرَى كَتَسْتَنْكَرْ
وَآشْ مَاغِيرُوفْهََاذْ لَقْصَرْ ؟؟؟؟؟
هَاذِي جْهَالَة تْزَادَتْ لِينَا فْ التَّصْمِيمْ !!!!؟؟؟؟
المريني ادريس
القصر الكبير بتاريخ : 08 / 09 / 2012
ليست هناك تعليقات:
إرسال تعليق