نُوَّامْنََا فْ لْْبَرْلَمَانْ
**************
قَدْمَتْكُومْ لْجَمًاهِيرْ
نَاشْدَة بِيكُومْ التَّغْيِِيرْ
عَجْبَتْكُومْ لْقُبَّة
كْرَاسَِيهَا مَنْ لَحْرِيرْ
ضْرَبْتُوهَا بْ نَعْسة
شَنَّفْتُو مْسَامَعْنَا بْ
صْنَافْ الشَّخِيرْ
وَآشْ حْنَا عُدْيَانْكُومْ ؟
أَوْ حَاسْبينَّا حْمِيرْ ؟
فِينْْ الصّْْْلاَ وُ التََّّسْبِيحْ ؟
فٍينْ التَّهْلاَلْ وُ التَّكْبِيرْ ؟
فِينْ نْزُلْكُومْ لاَّرْضْ
يُومْ لْعَرضْ
فِينْ تَجْوَالْكُومْ
فِينْ گْعَادْكُومْ عَ لَحْصَارِيِ ؟
فِينْ تْسَابِيقْكُومْ فْ الجّامَعْ
عَالْ الصَّفْ وُتَسْتَافْكُومْ
بِينْ السَّوَارِي كِِِيفْ الطِّيرْ ؟
نْوِينَا فِيكُومْ لْخِيرْ
شْهًمْتُونَا بْ أنَا وَآنَا
آنَا نَخْدَمْ وُنْخَدَّمْ
أَنَا نْخَطَّطْ وُْنْصَمَّمْ
أنَا دُغْرِي مَلْتَازَمْ
نْحَارَبْ لَفْسَادْْ
نَّقِّي لَبْلاَدْ
نْرُدْ قْصَركُومْ جَنَّة
حْدَايَقْ وُبْسَاتَنْ فَنَّة
عْلِيهْ النَّاشَدْ بْ قْصَايَدْ يَتْغَنَّا
كَانْ الضَّدْ هُوَّ لْجَدْ
رْجَعْ قْصَرْنَا قْبَرْ كْبِيرْ
تَْصحَّرْ وُ دَّمَّرْ وُرْجَعْ
مَرْتَعْ لَبْغَالْ وْلَحْمِيرْ
وَآشْ عَنْدكُومْ شِي تَفْسِيرْ ؟؟؟؟
المريني ادريس
القصر الكبير بتاريخ : 09 /09 / 2012
ليست هناك تعليقات:
إرسال تعليق