رَاعِي جَايَرْ وَلاَ رْعِيَّة سَايْبَة
**********************
طَالْ عُمْرِي وُخْيَابْ لْوقْتْ
وُُخْيَارْالرْجَالْ صَدَّاوْ
وْغَابُو
مَابْقََا ف النَّاسْ مَنْ يَكْتَرَثْ
بَْ لِِلِِّّي غْشَاهُمْ لاَدِِيمْ
تَحْْتْ تْرَابُو
تَتْهَمْ ، تَتْغَمْ ، تَتْوَجَّعْ
، لِيكْ مَايَتْلَفَّتْ
وُجْمِيعْهُومْ كْلاَوْ فِيكْ
وُصْطَابُو
مْرَابَعْ لَصْحَابْ تَنْجْمَعْ
وُُتَتْشَتَّتْ
لاَخِيرْ فْ شْتَاتْ وُ فْ مَنْ
كَانْ سْبَابُو
كِيفْ لْبُنْيَانْ يْلا قْوَاعْدُوانْخْرَمَتْ
تَحْتْ
مَاصَمْدَتْ حْيُوطْ وَلاَنْجَاتْ
قْبَابُو
لْعَامْ اللِّي تْقُولْ تَزْيَانْ
لْحَياةْ
مَنْ تَرْجَاهْ سْنِيدْ يَغْرَسْ
فِيكْ نْيَابُو
طَالْ عُمْرِي وُخْيَابْ لْوقْتْ
وُُخْيَارْالرْجَالْ صَدَّاوْ
وْغَابُو
اللِّي تْوُفِّيه لْكِيلْ تَلْقَاهْ
فِيكْ يَشْمَتْ
عَ لَّغْدَرْ مَفْطُومْ مَسْتهْتَرْ
بَ عْقَابُو
أشْعَبْ زْمَانُو لَ طْعَامْ
كََرْشُو مَايْفَلََّتْ
كُلْ عْقِيقَة وْعَرْسْ ضَارَبْ
لِِِيهَْ حْسَابُو
عْوَايِدْ الذِّيبْ بَْصِِِِيدْ
لْقَاصْيَة مَتْشَبَّتْ
طُولْ مَ الرَّاعِِي لاَهِي
عْلَى رَدْعُو وُحْرَابُو
هَكْذَا حَالْ الرْعِيّة بْلاَسََارَحْ
وُعْلِيهْ سَابَتْ
إِيلاَ الرَّاعِى انْذَلّْ طَارْ
تَهْيَابُو
زْمَانْ گَالُو رَاعِي جَايَرْ
وَلاَ رْعِيَّة سَايْبَة
كَانَتْ النَّاسْ حَافْظَة لَحْكَامْْْْ
وُقََارْيَة صْوابُو
طَالْ عُمْرِي وُخْيَابْ لْوقْتْ
وُُخْيَارْالرْجَالْ صَدَّاوْ
وْغَابُو
المريني ادريس
القصر الكبير بتاريخ : 20 / 09 / 2012
ليست هناك تعليقات:
إرسال تعليق