الصَّايِمْ عَ لْحَرْفْ
*****************
نْغَزْ حَرْفَكْ يَاصَاحْبِي
يْفِيقْ
قْْرَاهْ لِِلنَّاسْ بْ لَجْهرْ
دِيرْ مْزِيَّة وْسَمّْْعُو
صَاوُبْ لِيهْ سَكَّة وُطْرِيقْ
وْ بْ لْقَاصَحْ تَبّْعُو
لْبَارَحْ جَانِي خْبَرْ
لْحََالََة مَابْقَاتْشِي تْلِيقْ
شْرَارْ لْخَلْقْ يْرَتْعُو
شْْحَالْ مَنْ صَاحَبْ وُرْفِيقْ
يْنَهْشُو فِيكْ وُ يْوَزْعُو
يْلاَ صَادْفُوكْ فْ الطْْرِيقْ
يْسَجْدُو لِِيكْ وُ يْرَكْعُو
لْبََحْر الشَّدَّة وُالضِّيقْ
يْْجَرُّوكْ لِِيهْ وُ يْدَفْعُو
بْهَاذْ الصَّنْفْ مَاتِّيقْ
دِيمَا عْلِيكْ يَتْرَفْعُو
خُذْهَا مَنِّي تحْقِيقْ
فْهَمْ كْلاَمِي وْطُوْعُو
لْخَايَنْ مَ دِّيرُو عْشِيقْ
تْعَاشْرُووَلاَ تْجَامْعُو
يَابَنْ عَمِّي رَاسْ مَالَكْ
حَرفْ مْسَتَّفْ بْ التَّمَامْ
صَحِّي قَلْمَكْ يَا لْهَالَكْ
خََاصَمْ لَعْگَزْ وُ النْيَامْ
بْ لْسَانْ لْغِيرْ وُلْسَانَكْ
قُولْ وْ خَرَّجْ لَكْلاَمْ
هَذَا وَقْتَكْ يَالْبَارَكْ
بَرْكَةْ لَعْمَا فْ الظْلاَمْ
وَآشْ رََاضِي بْ صْيَامَكْ
عْلَى لْقِرْطَاسْ وْ لَقْلاَمْ
عَلِّي رَاسَكْ فِ قْرَانَكْ
لاَتُرْگَدْشِي رْگَادْ عَامْ
قُلْ لِلْقَاضِي رُدْ بَالَكْ
طَبَّقْ الشْرَعْ بْ دّْوَامْ
لاَ تَشْطُطْشِي فِ حْكَامَكْ
النَّاسْ فَايْقَة بْ لَحْكَامْ
وُبْْْري قْلاَمْْ رْصَاصَكْ
قُلْ للِظَّالَمْ يَا الظَّالَمْ
عْْْلاَشْ زَايِدْ فْ عْنَادَكْ
وُالنَّاسْ تَهْوَا السَّلاَمْ
قُلْ للرَّاعِي حْزَمْ رَاسَكْ
سََاوِي وْرَاعِي بْ لَقْوَامْ
لْوَقْتْ مَاشِي فِ صْلاَحَكْ
بَارَاكَا مْنْ التَّقْزَامْ
لاَتَسْتَهْوِيكْ غِ مْصَالْحََكْ
وْتَنْسَى السَّوَادْ لَعْظَمْ
يَابَنْ عَمِّي يَا السَّالَكْ
سْبَايَلْ الشِِّعْر وُالنْظَامْ
طْرِيقُو صَعْبَةْ لَمْسَالَكْ
لاَوَرْدْ فِيهَا لاَ حْمَامْ
ايْلاَ خَفْتيِ مْنْ خْيَالَكْ
دِيرْ صْرِيمَة وُلْجَامْ
تْسَوْخَرْ اللٌّورْ وُتْمَاسَكْ
يْلاَخْشِيتِي الإِعْدَامْ
رْجََعْ رْگُدْ فِي فْرَاشَكْ
طَلقْ الدْوَايَة وْلَقْلَمْ
وُجْعَلْهَا فْ حَسَنَاتَكْ
بْ رْضَا سْيََادَكْ تَنْعَمْ
وُطْلَبْ رَبِّي فِ صْلاَتَكْ
يْخَلَِّيكْ مَصْمَامْ مَبْكَامْ
اللِّي يْحَبّْ التَّصْفِيقْ
يْضَرُّو مَايْنَفْعُو
يَتْبَعْثُو كِ لْفِينِيقْ
يْْسََجْدُُو وُُُيْركْعُو
لْ كُلْ مَنْ هُوزَّنْدِيقْ
يْطِيعُو وُُيْسَمْعُو
وُللِّي قَابِطْ الطّْرِيقْ
يْسَنُّّو عْلِيهْ وُيْشَرّْعُو
دُسْتُورْنَا لِلتَّسْوِيقْ
إِعْلاَمْنَا للِتَّصْدِيرْ
غُرْفَة للِتَّزْوِيقْ
وْغُرْفَة لِلْبَنْدِيرْ
هََذَا هُوَّ التَّغْيِيِرْ
وْحَكَامَةْ التَّدْبِيرْ ؟؟
بَارَاكَا عْلِينَا مَا تْرَگْعُو
*******************
المريني ادريس
القصر الكبير بتاريخ :08 / 09 / 2012
ليست هناك تعليقات:
إرسال تعليق