مونولوغ زجل بيني وبين الزجالة الاستاذة : نجاة حسايني
ادريس المريني
فات ركابك يا العانسة
ركبتي دماغك دفعتي كبير
وبقيتي فدار باك گالسة
غواك شيطانك طيحك فبير
دازت ايام سلعتك صبحات فالسة.
مول الزين باع وراح لقاه التيسير
ونت هم وغم كيف الضرسة مسوسة
نجاة احسايني
انا العانسة وشقابا بسبابك/
ف
الداركالسة نستنى قدومك/
دزتي على دارنا وبان غرورك/
حيت حاجبة انا ما
عجبتك/
حالي قديم وفهمي غشيم ماناسبوك/
الموضة ولفهامة غواوك /
ونا بقيت عانسة
والهم زاد عندي اكبر/
المريني ادريس
شقاك بتحگارك للخطاب اللي جاوك
هذا قصير هذا طويل مايدخل بابي
وعنوستك سبابها بنات جوارك
وصحاباتك قلال الترابي
التحجاب مطلوب ولحق معاك
خصال وحيا ورا العتابي
المطلوب راجل يصون حماك
وخا فقير لقرانوطالبي
ايلا معاه الدين يبلغك رجاك
و يلا خطاه الدين معاه تتعبي .
نجاة احساينى
عذروني ياجوادي /
كلاسي ف الدار
ما عجبني/
هذا مكتوبي لمقدر عليا/
بغيت ولاَّ كرهت تشوفو عينيا/
كالسة ولاَّ
خدامة عانسة/
خطابي اللي دقوا كثار/قلبهم قاسي جبار/
كلامهم ما موزون ما عندو
عبار/
اللي بغى المانداوالدار/
واللي بغى الزين والعنين لكبار/
هكذا جاني كاع
الدوار/
والقلب والعقل باقي ما اختار/
فهموني ياناس انا في غيار/
كلام
الخطاب مازال فْ راسي دوار
ادريس المريني
عذرك يالالة مقبول *
وكلامك
واضح مفهوم *
مقامك يالالة مقام الباتول *
ما عليك عتاب ولا لوم *
اللوم عال
الطامع ف لمانضة والمدخول *
وعلى رسم الدار يحوم *
الزين خلق الله ما فيه
تعياب ولا قول *
ولا عيفة ولا صوم *
العانسة ختي وختك خت لمعلوم ولمجهول *
لعانسة خصها لعناية ولمكروم *
خطاب ليوم عليهوم ماتعول *
يبغيو كولشي قايم
مقيوم *
الزين ولمانضة ولقفطان لمحلول *
وباي باي للآصل ولحيا مع هاذ لقوم.
نجاة احسايني
كلامك سيدي كله مقبول ومعقول
وبيه تصفى القلوب والعقول
وعلى اساسو كتعمر الديور وتدق الطبول.
ليست هناك تعليقات:
إرسال تعليق