حَيََّانِي عْْْلِيكْ يَازْْمَانْ
حَيََّانِي عْْْلِيكْ يَازْْمَانْ
كِ تَنْقْلَبْ بِينْ يُومْ وْ لِيلَة
بَعْدْ الصْفَا وُلْوْفَا صََارْ
النْشَازْْ سُنََّةْ لَحْْْلِيلَة
وُُعْْشَايْرِي ضْْحَاوْْ عْدَايََا
مَنْبَتْ لَخْدَعْ وُلْحِيلَة
طََابْ گَََلْبِِِي طْيََابْ لْكَرْعِينْ عْْلىَ جْمَرْ عَافْيَة مْهِيلَة
عَادََتْ ذَاتِي منْ شَرّْ خْلاَقْهُومْ
بْ شَلاَّ سْقََايْمْ عْلِيلَة
لَحْْبََابْ گََفَّاوْ وْْرَحْلاَتْ عَنِّي لَالَّة مُولاََتِي لَخْلِيلَة
عَادََتْ ذَاتِي منْ شَرّْ خْلاَقْهُومْ
بْ شَلاَّ سْقََايْمْ عْلِيلَة
بْقِيتْ فْرِيدْ بْلاَ وُنَّاسْ مْجَاوَرْ وْحُوشْ هْْبِيلَة
لاَ حْنِينْْ لاَرْْحِيمْ لاَضُوْ
غِيرْ قَنْديِلْ بْلاَ فْتِيلَة
آشْمَنْ حْيَاةْ بَعْدْ لْعَزّّّْ
بْقَاتْْ غِيرْ لْعِيشَة فْ مْراتَعْ ذْلِيلَة
هََكْْذَا قْْضَا وْقَدَّرْ
مْصَرَّفْْ الزْمَانْ وُالدّْهَرْ بْ كُلْ وْسِيلَة
شْكَايَا لِيكْ يآخََالْْْقِِي
يا رّاصَدْ عْمالِي وْ رَزْقِي رْحََمْتَكْ بِيَّّ كْفِيلَة
تَمْحَقْ كْبَايْرْ الذْنُوبْ
رَانِِي جِِيتَكْ نْتُوبْ بَعْْدْ عْمَارْتِي الطْوِيلَة
لْمَامْ رْذَايْلِي كْثَارْ
فِيهُومْ كْبَارْ وُصغَارْ اسْتَرْنِي يَاسَتَّارْ يُومْ التَّرْحِيلَة
نَاظَمْ لَكْلاَمَْ يََاحُضَّارْ
لَمْرِينِي ادْريِسْْ بْ اخْتِِصَارْ يْسَالْكُومْ لِسْتِغْفَارْ عَالْ التَّعْجِيلَة
شْكَايَا لِيكْ يآخََالْْْقِِي
يا رّاصَدْ عْمالِي وْ رَزْقِي رْحََمْتَكْ بِيَّّ كْفِيلَة
تَمْحَقْ كْبَايْرْ الذْنُوبْ
رَانِِي جِِيتَكْ نْتُوبْ بَعْْدْ عْمَارْتِي الطْوِيلَة.
المريني ادريس
القصر الكبير بتاريخ : 25 / 08 / 2012
ليست هناك تعليقات:
إرسال تعليق