غْزيلْ
الْحَرْفْ ( 2
)
عْلىََ
قَدّْْ مَّاطَالْ اللٍِيلْ ،
لا بُدْ يطلعْ النْهَارْ
يْزُولْ
اللُّبْسْ ،
يَقََْلاَلْ الهََمْس ْ ، تَقْوَى
لَبْصَارْ
يَرْحَلْ
الطَّاغِي،
يْمُوتْ الْبَاغيِ ،
وََالفَرْعُونْ الجَبَّارْ
تَرْتَاحْ
لَعْْبَادْ ،
بْمُوتْ الجَلاَّدْ ،
يْنُوضْ الرّْبيعْ ،
تَخْضَارْ لَشْجَارْ
تْعُودْ
الْبَسْمَة لْمُوحََا وْعَلاَّلْ ،
وْلْسٌَاكْنْ لََجْبالْ ،
وُلْكُلْ قَرْيَة َومدْشَرْ
الْمَعْلُولْ
يَدَّاوَا،
وًالشَّعْبْ يَتْخَاوَا ،
كْبَارْ وَصْغَارْ
الْعَانِسْ
تَتْزَوَّجْ ،
وَالسُُّوقْ تَتْرَوَّجْ ،
ليلْ وَنْهَار ْ
الأَمْن
ْيْسُودْ ،
وْلاَمَانْ يْعُودْ ،
وَلْمَرَاكَبْ ،
تْوَاصَلْ الِإبْحَارْ
حْلِيمَة
وْكَلثُومْ ،
وْلَحْريمْ تْهُومْ ، مَا تَخْشَا قُطَّاعْ ،
وَلاَ َتْخافْ شَفَّارْ
وَانَا
وانْتَ حُرَّاسْ ،عْلاَ
عْراضْ النَّاسْ ،
نْقُولُو لاَ لِلْمُنْكَرْ
عَرْضي
هُوَ عَرْضَكْ ،
اللِّي مًسْنيِ يْمُسَّك ْ ،
جْمِيعْنَا ضِدْ الْعَارْ
المريني ادريس.
القصر الكبير بتاريخ : 07 / 05 / 2012
ليست هناك تعليقات:
إرسال تعليق