سَرْ لْخَايِنْ
سَرْ لْخَايِنْ ، فُوْجَاه ْبَايِنْ
وُجْهُو مْقََزْدَرْ
جَلْدُو مْبَنْدَرْ
يضْحَكْ ، يَسْمَعْ ، يْسَايِنْ
يْرَافْقَكْ ، يْوَانْسَكْ ، يْجَالْسَكْ
غِي يْسُلْ لْسَانَكْ ، وَآرَاكْ للْمْحَايَنْ
يْزِيدْ فُوقْ لِيفَكْ هَمْزَة ، يْوْصَّلْهَا فُوقْ مَطْراحُو خُبْزَة
وْلَتَّخْمَارْ ، مَايْسَايْنْ
فَرَّانُو زَانَدْ بْلاَحْطَبْ ، يَعْرَفْ يْزُوَّقْ وْيَكْذَبْ
مَلاََكْ تْگُولْ ، مَاشِي شِيطَانْ
فْ ضْرِيبْ لَمْثَالْ ، لاَ تْسَالْ وَاعَرْ ، فَنَّانْ
يْجِيبَكْ يْجِيبَكْ ، مَنْ حْجَرْ حْبِيبَكْ ، بْْسِحْرْ لْبَيَانْ
بْلِيْتُوفْ دْخََالُوعََامْقَة ، نِيْْتُو حُفْرََة غَارْقَة ، مَايْحُدْهَا إِنْسَانْ
مَنْ حْيالُو، يَبْلِيسْ لِيهْ سَلّْمْ سْوََارْتُو ، رَاحْ خْوَا السَّاحَة ، وْلَمْكَانْ
غَلْبُو بْ لْحُُجَّة وْلْبُرْهَانْ
بْ صْنَافْ التْبَوْحِيطْ ، عَمَّرْ حَانُوتْ ، وُبْلاَصْرُوفْ عْبَارُو مِيزَان ْ
دَاخَلْتْ عِْليكُومْ بْ اللهْ ، وَآشْ مْثَايْلُُو فِيهُومْ آمَانْ ؟؟
ادريس المريني
القصر الكبير بتاريخ :19 / 08 / 2012
ليست هناك تعليقات:
إرسال تعليق