إرضاء الْْكلّّّّْْْْ مَنَََّّ لْْمُُوحََالْْ

إرضاء الْْكلّّّّْْْْ مَنَََّّ لْْمُُوحََالْْ

*******************

بين لمْدَجََََّّة ولْقرْشالْ

النََّاعُورة تنْسج حْْْْبالْ

يوم كانو لعيالات رْجال

ولْْيوم تْبدَّل لْحالْْ

تْنسْواوْمنْْْ تعدُُُّو رْجالْ

الناگة تتزوجْْْ بغالْ

ولعزْري متْْسوَّرْْْ خلْْخالْ

عَ لََّّقْْوامة لاتْسالْْْ

ماتلا من يفك تخبال

ولا لبيب تختار بين لعُُقََّال

لكُُُرسي سجَّانْ هكذا تْقالْْ

الضّْْماير تنْْشْْْرا ب لْمالْ

لوظيفة بْ آلف مثقال

لوْْ نْْت عليها عوَّّالْ

تدفع تطلع وتنال

ويلا تشطرتي

تبقا بطَّالْ

وتردد نفس لموال

اللي تقال من شحال

الشعب يريد ومازال

فنات جيال وجات جيال

ولا صاغي لِ لْ أقْْْوالْ

ضْْرب الدََّفّْ زنزن لَّگْوال

ودير اللي عندك ف لبال

صْرخ غوَّت حرَّك زلزال

أو تْشُوَّطْ كِي فَََرْخْْْْْ لكْْبالْْ

جْْواب واحد مْْسطَََّّّّّر فََ مْقال

إرضاء الْْكلّّّّْْْْ مَنَََّّ لْْمُُوحََالْْ

المريني ادريس

القصر الكبير بتاريخ : 15 / 02 / 2013