منين
آنا ومنين أنت
*************
حنا
شعب الله لمحتار
بجميع
لَ لْسُون نقراو لسوار
سوا
ف جبل سوا فدوار
وفكل
بادية أو حضر
لفهامة
ملوينها ف يزار
ولمالحة
نزيدوها سكر
بلاتقرير
بلا محضر
گولو
بآزْ
حنا
شعب الله لمقهور
مول
الديبلوم گاعد يدور
واللي
قُبَََّانْ يخدم بلفور
اللي
قلَّشْْ يرجع اللور
واللي
تواطا يخدم شيفور
وآگولو
بآزْ
حنا
شعب الله الطاغي
كولشي
رافض كولشي باغي
كولشي
راكع كولشي صاغي
فرصادتنا
كلها صباغي
نصّْنا
مْبكَّم نصّْنا يْلاغي
شي
مطربش وُبْْ لبْْلاغي
وشي
يقول امِّيمتي دماغي
گولو
بآزْ
حنا
شعب الله لمفتون
كولشي
معقَّلْ كولشي مجنون
كولشي
مطلوق كولشي مسجون
كولشي
خاتر لراسو لون
ها
اللي مجير ها اللي مذهون
ها
اللي مجذوب ها اللي مسكون
گولو
بآزْ
حنا
شعب الله الرايق
كولشي
عايق كولشي فايق
شي
مكذب وشي تايق
وشي
ذايع غي ف الزنايق
شي
معفف وشي سارق
وشي
صادق وشي ينافق
شي
عالي لفوق معلق
وشي
فْ الذِّّيَّالة لاصق
گولو
باز گولو باز
شعبنا
صايگو عكاز
ك يدير
مايجيه بوهزهاز
وهو
مدگوگ
دگة
لحنة ف لمهراز
گولو
بآزْْ گولو بآزْ
حنا
شعب الله الصََّّبَّّار
شحال
من واحد فينا حگار
ريحتو
فايحة كيف لعطار
يوريك
الظلمة فعزّْْ النّْهار
لو
جاورتو عيشتك تحرار
أو
سايرتيه يزيد يجعار
ويلا
نخلتيه يرجع غدار
وأگولُُُو
بآزْْ
حنا
شعب الله النافع
نجمنا
فسماه ديما ساطع
وين
ماضاقت لينا تواسع
شحال
من مسؤول عنا يدافع
ولقيمتنا
يزيد يرافع
ثاني
گولو بآزْ
وحنا
شعب الله غير النافع
لمسؤول
ضربنا ب لمدافع
ديما
مكبر ما يتواضع
ضيََّقْْْْ
علينا لمْراتع
واللي
قلش ينعتو شبع
ويرسل
ليه سبع وضبع
مالك
زغتي ماتليت تسمع ؟
هزوه
حطوه فوگ لمرفع
صبُّّّّو
لدلقوشو شوية شمع
هكذا
يقرر وما يطبع
إيوا
گولْْ بآزْْْ وآنا نسمع
المريني
ادريس
القصر
الكبير بتاريخ : 20 / 02 / 2013
ليست هناك تعليقات:
إرسال تعليق