خليوني
نجذب نتحير
*************************
ماعاد
فيكوم ما يتخير
الراس
فلكسكاس يفوََّّّر
ولحالة
سايرة تتزيَّر
لقلب
تكدر وتغير
خليوني
نجذب نتحير
نطلق
سالفي ونشير
نحتج
بكيفي ونعبر
مابقا
فبلادي ما يبشََّّر
خليوني
نجذب نتحير
شحال
سمعنا من كذبة
فكل
تبديلة لَ لْْْعتْْْبة
لمعيشة
تزيان وتنْْبا
يعود
لوصال ولمحبة
لارشوة
لافتوح الرََّّحبة
والجّّّْْْْمرْ
يَََطفا و يتَّّخْبََا
ماتقدََّّّّمْْناش
ولا وثبة
خليوني
نجذب نتحَيَّّّر
ماعاد
فيكوم ما يتخير
من
يوم شدينا ليستقلال
ماتهنينا
مارتاح لبال
شبعنا
زرواطة وعْْتقال
هذا
ناوي وْْْهذا يُُقالْْْ
صفاوحرارصفاو
رجال
ولمسلسل
طويل مازال
خليوني
نجذب نتحير
ماعاد
فيكوم مايتخير
كثرت
لحزاب بلافايدة
وُُشحال
من جمعية زايدة
كلها
كَ تْقول أنا الرايدة
طامعة
ترجع هي لقايدة
طلقو
السيبة رجعت سايدة
انكشفت
لوراق فوق لمايدة
سياستكوم
هاذي بايدة
خليوني
نجذب نتحير
ماعاد
فيكوم ما يتخير
المريني
ادريس
القصر
الكبير بتاريخ : 21 / 02 / 2013
ليست هناك تعليقات:
إرسال تعليق