لله
يازينة لريام
*****************
شفار
عينيك يطرز لكلام
ولْمقيوس
يفهم ليشارة
اطَّيّْْحي
لْعابد فشباك لغرام
ولكريم
تخوا ليه الشكارة
قوس
حاجبك يشيَّرب سْهام
مانجا
منها غي اللي توارا
واللي
نقاس بْ جرحو يسقام
يعود
مرشوم وعليه يمارة
بالله
عليك ياريمت لريام
وآش
ما خبروك الخبََّارة
راني
باعث ليك سلام
باغي
نظفر ليك بزيارة
طالب
ودك دون تخمام
لو
ترضاي رسلِّي بشارة
نجيك
نرابع ع لَّّّقْْْدام
أو
تْهزّْني ليكْْْ طيََّارة
لو
ترفضي نصوم صيام
ماصاموه
لولين ولْخارا
لا
تحرميني ذاك لمقام
ولْقدّّّْ
لْممْشوق ب ََشْطارة
مارايدك
أنا فْ لََحرام
ونتيا
اللي قلبي ختارا
فْ
حضْرة طيفك مايجيني منام
ياللي
عليك لقوام تتمارا
لله
يازينة لريام
رسليلي
منك بشارة
المريني
ادريس
القصر
الكبير بتاريخ : 19 / 02 / 2013
ليست هناك تعليقات:
إرسال تعليق