يَالزََّايَرْ
لَقْصَرْ لَكْبِيرْ
******************
يَالزََّايَرْ مْدِِينْةْْ لَقْصَرْ لَكْبِيرْ وْنَاسْهَا
آلْفْ مَرْحْبَا وْيآسِِيدِيِ بِيكْ فْ رْبُوعْهَا
لاَوْْْلِيَّا وُالصََّالْحِين بْ لْعِلْمْ سْْقاوْ غَرَْْسْهَا
وْلَمْْجََاهْدِينْْ بالدَّمّْ ، حَفْرُو، وُبْنَاوْ سَاسْهَا
مُولاَيْ عْْلِي بُوغَالَبْ ، بََارِزْْ عْلى بََابْهَا
وْسِيدِي جْمِيلْ وْرَاهْ ، عِينُو َرَاصْدَا جْنَابْهََا
بَنْ عَسْكَرْ حَاضرْ، لْْ بََّابْ سَبْتَة يََرَْْقَبْهَا
وْسِيدِي بُوحَاجَة بُوسْوَارَتْ مَفْتَاحْهَا
سِيدِي مَنْصُورْ وْرَاهْْ ، يْرَحَّبْ بْ ضْيَافْهَا
وُلْمَجْذُوبْ وَاعَظْ حْكِيمْ ، مْرابَطْ فْ مَرْسْهَا
وْسِيدِي لَفْضِيلْ فْ الشْرِيعَة ، وَاحِِدْ مََ نُّوَّاسْهَا
سِيدِي سْلِيمَانْ بُرْهَانْ ، وْلْحُجَّة يْقَارَعْ يَدْمََغْْهَا
وْسِيدِي قَاسَمْ مُورْ عِيشَة كَ يْرَاعِي حُرْمَتْهَا
وْْعِيشَة اللِّي جَنْبْ يَعْقُوبْ وْنَخْلاَتُو بْْ ظَْلاََلْهَا
هُومَا لِلشّْْرِيعَة خْتَامْْ ، حُرّاسْ عْلَى حْْدُودْْهَا
وُالشّْْرِيعَة مْحَزّْمَة بْ طُوقْ
لْمَاجًارِي وْجَنْبُو سُوقْ
يَالسَّايِلْنِي مَ الشُّوقْ
هُوَّّ سِيدِي مَرْْزُوقْ
يَعْْمَرْ بَ لْْخِيرْ وَيْفُوقْ
حْْمََايَلْ جْمَالْْ وْنُوقْ
لِيهْ كُلّْ زَايِرْ يْتُوقْ
يََقْضِي حَاجْتُو وُيْسُوقْ
بَعْدْ التَّرْحِيبْ بْ زَايِرْ قْصَرْنَا
والتَّرْحَابْْ وُلْ إِكْرَامْ مِنْْ شِيَّامْنَا
خْْذِينَاهْ فْ جُولَة جَزْنَالُُويَحْكِي بَ لْسَانَّّّا
قْطَعْنَا لََحْدُودْْ وُمْشِينَا
لْبَابْ لْوَادْ بْ رَجْلِينََا
عْلَى دَرْبْ لَعْلُوجْ عَرَّجْنَا
لْقِِينَا لْقَصْرِِي عَبْد الجّْلِيلْ يَصْحَبْنَا
وُفْ سِِِيدِي قَآسََمْ الزّْبِيرْ وْقَفْنَا
تْهَآوُدْنَا ، ادِّينََا فْ لَكْلاََمْ وْجَبْنَا
وْمانْسِينَاشْ بَنْْتْ احْمَدْ شْرِيفَتْْنَا
وُمْعَ سَبْْعَةُ رِجََالْ كَانَتْ وُقْفَتْنَا
جْوَارْْ بُولَمْحَاسَنْ للرَّاحََة خْلَذْنَا
ليست هناك تعليقات:
إرسال تعليق