مََشْمُومْ لْوَرْدْ

مََشْمُومْ لْوَرْدْ

*****************

جْفَاتْ عْيوُنِي مَ النُّومْ

قُُلْت نْصَبَّحْ نَهْدِيكْ

هْدِيتَكْ مَ لْوَرْدْ مَشْمُومْ

غَرْتْ يَاخْتِي مَنُّو عْلِيكْ

وُلْقَلْْْبْ عْلِيكْ مََهْمُومْ

بْلاََعْقَلْ يْفََكَّرْ فِِيكْ

خَبّْرِي اللِّي بِيكْ مَغْرُومْ

وُقِْتَاشْ يَْحِينْ مَلْقَاكْ

بْلاََبِيكْ عَايِشْ مَضْيُومْ

يََرْجَا يَظْفَرْ بَ هْوََاكْْ

خْلاَصْ عْلِيهْ مَنْ اللُّومْ

خَلِّيهْ يَرْفَلْ فَ رْضَاكْ

وُيْلاَ مْقَدَّرْ مَحْتُومْ

عْلِيهْ غَضْبَكْ وُجفَاكْ

لاَ تْخَلِّيهْشيِ مَحْرُُومْ

وُتْرَدّْفِي عْلِيهْ شْقَاكْ

لََجْفَا مَالِيهْ لْزُومْ

حََنِّّي شْوِيَّة عَافَاكْ

الصّّْبَرْ حَدُُُّو مََرْْشُُومْ

لاَ ادََّّوْْرِيِ لِيهْْ  قْفََاكْ

سَمْْعْ الصََّادَقْ مََعْلُُومْ

تََلْقَاهْ دِِيمََا يََصْغََاكْ

كْلاَمْ لْخََايِنْ مَقْضُُومْ

حَاضَرْمَرْعُوبْ يََخْشَاكْ

يْتَمْتَمْ بََ كْْلاَمْ مَبْهُومْْ

يْجِيكْْ فْ صِيفََتْ مَلاَكْْ

حَاذْرِيهْْ يَنْفَثْ سْمُومْْ

وُيْكُونْْ سْبَابْ هْلاكْ

طَالَبْ مَنَّكْ مَرْسُُومْ

تْْخَبّْرِي اللِّي بِيكْ مَغْرُومْ

وُقِْتَاشْ يََقْدَرْ يََلْقَاكْ ؟؟

المريني ادريس

القصر الكبير بتاريخ : 10 / 12 / 2012