غِيرْ فُوتْنِي
يَامَا گُلْتْ لِيكْ حْكَايَمْ
وُمْعَانِي
قْبْلْ لاَيْفُوتْ لْحَالْ ،
صْغَايْ وُسْمَعْنِِي
ايْلاَ كَانْ عَقْليِ يَنْفَعْنيِ
وْلَكْلاَمْ فْطَرْفْ لْسَانِي
يْسَاعَفْنيِ
يَخِْرُجْ مْشَتَّتْ ، حْرُوْف
، أَوْ گُرْجَةَ تْشُوفُو بْعِينَكْ وْ عْيَنِي
نَهْدِيهْ لِيكْ صْحَايَفْ ،
وْ حْرُوزَة ، وُنْتِ فْجَنْبِي مَعْزُوزَة ، صُورْتَكْ لِيَّا مْرَايَة ، مَا تْفَارَقْنِي
تْصَرّْفيِ فِيهْ كِي بْغِيتِي
، حُلِّي طْلاسْمُو كِي حَبِّيتِي، نْعَاوَدْ
فِيهْ قْرَايْتِي وُنْتِ فلَسْطُورْ تْحَنّْشِي وُتْهَجِّيِنِي ، يَاللِّي حْلَفْ قَلْبِي
لاَ يَنْسَاكْ ، وَخَّا قَلْبَكْ نْسَانيِ
إِيْلاَ كَانْ قَلْبِي يْطَاوَعْنِي
، نَبْنِي لِيكْ فِيهْ زَنْزَانَة ، مَايْطَلّْ عْلِيكْ غَيرْ آَنَا ، نْكُونْ لِيِكْ
فِيهَا وْنِيِسْ ، أنْتِ فِيهَا لِيلْتِي ، وَآنَا لْقِيسْ ، حَتَّى تَرْضَانِي
حَذَّرْتَكْ مَنْ كْلاَمْ لْوَشَّايَة
، تْجََاهَلْتِي ، خْْذِيِتِيهْ غَايَة ، سْرَات فِيكْ لَسْمُومْ ، خََلِّيِتِيِنِي
نْهُومْ بَعْدْ قْوَاتْ لَهْمُومْ جَايَّة تْلُومْنِي
الْيُومْ فَاتْْ لْفُوتْْ ،
غْرَامِي بِيكْ طَجّْ ، حْكَمْتِي عْلِيهْ بَ لْمُوتْ ، غِيرْ فُُوتْنِي ، لاَتَرْجَانِي
السَّرّْ اللِّي بِينَاتْنَا
غَادِي نْدَفْنُو ، بَعْدْ نْغَسْلُو وْنْكَفّْنُو ، نْلُوحُُو فْبِيرْ مَهْجُورَة
،
مَايْزُُورُُوهََا زُوَّارْ
وَلاَ يْجَاوُرْهَا رُُوحَانِِي
المريني ادريس
القصر الكبير بتاريخ : 06 / 07 / 2012
ليست هناك تعليقات:
إرسال تعليق