زْوَاجْ الْكُوكُوطْ
لْقَاهَالِيَّا سَبَّة
دَارْلِيَّا فِيهَا مَنْذْبَة
مَارَاعَا اللِّي سَّالْفْ ،
مَاوَقَّرْ الرََّحْبَة
دْخَلْ عْلِيَّا تَالََفْ ،
لْقَانِي حَالَّة السَّالَفْ ،
زْعَفْ زَعْفَة وُتْخَبَّا
حْلَفْ حَلْفْة ثَلْثِيَّة ،
مَافِيهَا رَجْعِيَّة ، يْصَيْفَطْنِي كُوعْبِيَّة ، حَفْيَانَة لْدَارْ بَّا
آَشْ ظْهَرْلِِيكْ آَلْقَاضِي
، عْلَى فَعْلْتُو انْتَ وَآشْ رَاضِي ، هَاذِي رَاهَا مُوصِيبَة
لاَوَاهْ آَسِيدِي لْقَاضِي
، آَنَا رََاجَلْ عِصَامِي ، نَبْغِيكْ تََسْمَعْ كْلاَمِي ، وُحْكَامَكْ يْكُونْ عَادِلْ
هِيَ دِيمَا مَشْكَاكَة ، تََرْمِيِنِي
بَلْبَاطَلْ
شََافَتْنِي مْعَ الجَّارَة
، شُوّْهَتْنِي فَلْحَارَة ، ظَنَّتْنِي فِيهَا حَاصَلْ
جَمْعََاتْ عْلِيًّا الجُّوقَة
، بَلْمَعْيُورْ وُالطَّقْطُوقَة ، وَآَشْ آَنَا نَسْتَاهَلْ ؟
بِاللهْ يَاسِيدِي لْقَاضِي
، حُُطّْ رََاسَكْ مْكَانَي ، هَََاذْ الشََّّي رََاهْ كْوََانِي ،
وُُنْتَايََا رَاجِلْ عَاقَلْ
نْطَقْ لْقَاضِي بَحْكَامُو
، وُحْنَا بْجُوجْنَا قُدَّامُو ، سَاقْطِينْ عْْلِيهْ لْعِينْ
سَمْعُولِيَّا وُصْغَاوْ ، يَلْزَمْكُومْ
تَتْرَبَّاوْ ، تَتْهَجَّاوْ وُتَقْرَاوْ ، بَاشْ تْلََعْنُو اللَّعِينْ
الزّْوَاجْ فْ لْعُرفْ مَفْخَرَة
، مَاهُو ضَحْكْ وُمَسْخَرَة ، رْبَاطُو يْلاَ كَانْ مْتِينْ
الزّْوَاجْ سُنَّة وُشْرَعْ
، وُصْدَاقْ كَيَتّْْدْفَعْ ، وُقْلُوبْ جَامْعَة لْحْنِينْ
حَلْفَكْ رَاهُو مَبْطُولْ ،
مَلْغِي مَاهُو مَقْبُولْ ، رَجَّعْ لاَلاَّكْ فَلْحِينْ
وُيْلاَ عْصِِيتِي أَمْرِِِِي
، نَحْلَفْلِيكْ بْعُمْرِي ، فِيكْ سَخْطْ لْوَالْدِينْ
سْمَحْلِي يَاسِيدِي لْقَاضِي
، هَاذِِي هِيَّ وُالتُّوبَة ، هِيَّ عَنْدِي مَحْبُوبََة ،
نْهَزّّْْ ذْْْنُوبِي وُذْنُوبَا
، نْعِيشْ كِيفْ لْمَسْكِينْ ، مَانْهْضَرْ مَانْتْفََافَا ،
يْلاَ رَجْعَتْ وُلاَّفَة ،
وْمَنْْ عْيُوبْهَا تَتْعَافَى ، مَاعَنْدِي عْلِيهَا وِينْ
نْعَامَلْهَا بَلْطَافَة ، نْعَاشَرْهَا
بَظْرَافَة ، وُُنْسََايِسْهَا بَاللِّينْ
المريني ادريس
القصر الكبير بتاريخ : 09 / 07 / 2012
ليست هناك تعليقات:
إرسال تعليق