نَبْْكِي عْْلِيكْ يَا عُمْرِيِ
الْقَلْبْ مَصْدُومْ ، وْلَعْقَلْ
مَرْفُوعْ
وُلْعِينْ سَيَّالَة ، تَجْري
بَالدّْمُوعْ
النَّفْسْ حْزِينَة ، وُلْبَالْ مَخْْلُوعْ
وٌاللّْسَانْ رَاگَدْ ، عَالْ
بُوحْ مَمْْنُوعْْ
وُلْمُنَادِي يْصِيحْ ، بْصَوْتْ
مَسْمُوعْ
الرِّحْلَة خَلْصََتْ ، حَآنْ
وَقْتْ الرّْجُوعْ
آهْ يَاعُمْرِي
طَرْتِي ، وَآنَا مَازَالْ نَجْرِي
، نَرْْتَعْ بِينْ الرُّبُوعْ
قَاصَدْ لِِيَّا ، كَانَّكْ
مَدْفُوعْ
مََافِيكْ آَمََانْ ، مََارََاضِي
الطُّوعْ
حَتَّى شْبَابِي ، عَشْتُو مَتْبُوعْ
بِينْْ سْجُودِِي ، وْبِينْ
الرُّكُوعٍْ
بِينْ شْهاوْتيِ ، وْبِينْ لْخُنُُوعْ
يَبْلِيسْ غْوََانيِ ، لِيهْ
بَلْخُضُوعْ
مْْشِيتْ فَطْرِيِقُو ، مْخَدَّرْ
مَلْسُُوعْ
طَارْ ثْمَالِي ، بَعْدْْ لْيَاليِ
، فَقْتْ مَهْلُوعْ
وْفْ دْخَاليِ ، شََرْقََتْ
نْوَارْ ، تگَادَتْ شْمُوعْْ
وُبْفَضْلْ اللهْ ، قْهََرْت
شِيطَانيِ ، سْْبِتُو مَقْمُوعْ
رْجَايَا فْ اللهْ ، يََمْحَقْ
زْلاَيْليِ ، فْلُُوحِي لْمَطْبُوعْ
يَشْفَقْ عَنِّيِ ، وْيَرْْحَمْنيِ
، بِجْوَازْ لْمَمْْنُوعْ
آهْ يَاعُمْرِي ، مَالْقِيتْ
فَعْمَاليِ ، غِيرْ لْمَدْفُوعْ
مَانِي مَعْصُومْ ، مَنْ خْطَايَا
، وَلاَ لَقْلَمْ عَنِّي مَرْفُُوعْ
آهْ يََانَفْسِي ، يَالْمَكْنُونَة
، بِيِنْ الضُّلُوعْ
رْجَايَا فْ اللهْ ، يََمْحَقْ
زْلاَيْليِ ، فْلُُوحِي لْمَطْبُوعْ
يَشْفَقْ عَنِّيِ ، وْيَسْمَحْليِ
، نْجُُوزْ لْمَمْْنُوعْ.
المريني ادريس
القصر الكبير بتاريخ : 04 / 07 / 2012
ليست هناك تعليقات:
إرسال تعليق